தமிழில் பிரபல நடிகர் சரத்குமாருக்கு ஜோடியாக 'ஐயா' படத்தின் மூலம் ஹீரோயினாக அறிமுகமான நயன்தாரா, தன்னுடைய இரண்டாவது படத்திலேயே சூப்பர் ஸ்டார் ரஜினிகாந்துக்கு ஜோடியாக நடித்தார். இதை தொடர்ந்து மலையாளம், தெலுங்கு, தமிழ் என மூன்று மொழிகளும் தொடர்ந்து முன்னணி நடிகர்களுக்கு ஜோடியாக நடித்தார்.
தன்னுடைய 40 வயதிலும், இளம் நடிகைகளை போல் யங் லுக்கில் வலம் வரும் நடிகை நயன்தாரா, தற்போது டெஸ்ட், மண்ணாங்கட்டி, போன்ற படங்களில் நடித்து முடித்துள்ளார். அதே போல் சில ஹிந்தி படங்களிலும் நடிக்க பேச்சுவார்த்தை நடந்து வருவதாக கூறப்படுகிறது. நயன்தாராவின் மார்க்கெட் ஹிந்தியில் அதிகரிக்க காரணம், கடந்தாண்டு வெளியே வந்த 'ஜவான்' திரைப்படம் தான்.
திரையுலகில் நடிப்பு, தயாரிப்பு மற்றும் பல்வேறு பிசினஸில் பிஸியாக இருந்தாலும் கணவர் குடும்பம் குழந்தை என ஒரு பொறுப்புள்ள குடும்ப தலைவியாகவும் இருந்து வருகிறார். படங்களில் கதைகளை கேட்பதற்காக கணவரும் - தானும் அடிக்கடி வெளியே செல்வதால் குழந்தைகளை பிரியும் சூழல் உள்ளதால், தற்போது தன்னுடைய வீட்டிலேயே புதிய அலுவலகம் ஒன்றை கட்டி வருகிறார்.
போயஸ் கார்டனில் உள்ள தன்னுடைய வீட்டில் தான் இந்த பிரம்மாண்ட அலுவலகத்தை அவர் கட்டி வருகிறார். தற்போது இது குறித்த போட்டோஸ் வெளியாகி சமூக வலைதளத்தில் வைரலாகி வருகிறது.