Actress Malavika Mohanan : தமிழ், தெலுங்கு மற்றும் ஹிந்தி ஆகிய மூன்று மொழிகளிலும் இவ்வாண்டு கலக்க வருகின்றார் பிரபல நடிகை மாளவிகா மோஹனன்.
கடந்த 2013 ஆம் ஆண்டு வெளியான "பட்டம் போலே" என்கின்ற மலையாளத் திரைப்படத்தின் மூலம் திரையுலகில் களமிறங்கிய நடிகை தான் மாளவிகா மோகன். இவர் கேரளாவில் உள்ள பையனூரில் கடந்த 1993ம் ஆண்டு பிறந்தவர் ஆவார்.
தமிழில் கடந்த 2019 ஆம் ஆண்டு பிரபல நடிகர் சூப்பர் ஸ்டார் ரஜினிகாந்த் நடிப்பில் வெளியான " பேட்ட" திரைப்படத்தின் மூலம் கோலிவுட் உலகில் களம் இறங்கிய மாளவிகா மோகன் தொடர்ச்சியாக "மாஸ்டர்" மற்றும் "மாறன்" போன்ற படங்களில் நடித்து புகழ்பெற்றார்.
இறுதியாக மலையாளத்தில் வெளியான "கிறிஸ்டி" என்ற திரைப்படத்தில் நடித்திருந்த மாளவிகா மோஹனன், தற்பொழுது பா. ரஞ்சித் இயக்கத்தில், சியான் விக்ரம் நடிப்பில் உருவாகி வரும் தங்கலான் திரைப்படத்தில் ஒரு முக்கிய கதாபாத்திரத்தில் நடித்துள்ளார்.
தமிழ் மொழி மட்டுமல்லாமல் தெலுங்கு மற்றும் ஹிந்தி மொழிகளிலும் இந்த 2024 ஆம் ஆண்டு மாளவிகா நடிப்பில் இரண்டு திரைப்படங்கள் வெளியாக உள்ளது குறிப்பிடத்தக்கது.