சன் டிவி தொலைக்காட்சியில் மிகவும் விறுவிறுப்பாக ஒளிபரப்பாகி வரும் தொடர்களில் ஒன்று கயல். சிறு வயதிலேயே தன்னுடைய தந்தையை இழந்து விடும் கயல், எப்படியோ நர்சிங் படித்து முடித்து மருத்துவமனையில் வேலைக்கு சேர்கிறார். இவரின் அண்ணன் குடியே கதி என பொறுப்பில்லாமல் இருக்க, தங்கையின் மருத்துவ படிப்பு கனவு, தம்பியின் போலீஸ் ஆசை, அண்ணனின் குழந்தையை படிக்க வைப்பது, என ஒட்டு மொத்த குடும்ப சுமையும் கயல் மீது விழுகிறது.
கயலை சிறு வயதில் இருந்தே எழில் காதலித்து வந்தாலும், அவரின் காதலை தன்னுடைய குடும்ப சூழ்நிலையால்... எழிலின் அம்மாவுக்கு பயந்தும் ஏற்றுக்கொள்ள தயங்கிய கயல், தற்போது எழிலின் காதலை ஏற்று கொண்டது மட்டும் இன்றி, எழிலின் அம்மாவையும் தங்களின் காதலுக்கு சம்மதம் சொல்ல வைத்து விட்டார்.
1000 எபிசோடுகளை கடந்து வெற்றிகரமாக ஒளிபரப்பாகி வரும் இந்த தொடரில் அரங்கேற உள்ள எழில் - கயல் திருமண நிச்சயதார்த்த நிகழ்ச்சியால், சீரியலின் TRP அதிகரிக்கும் என்று எதிர்பார்க்கப்படுகிறது.