இங்கிலாந்தில் வேகமாக பரவும் மாறுபாடு.. சுகாதாரத்துறை அதிகாரிகள் எச்சரிக்கை..
First Published | May 16, 2024, 12:39 PM ISTஇங்கிலாந்தில் பரவி வரும் 'FLiRT' கோவிட் மாறுபாடு குறித்து சுகாதாரத்துறை அதிகாரிகள் எச்சரிக்கை விடுத்துள்ளனர்
☰
அமெரிக்கா, இங்கிலாந்து ஆகிய நாடுகளில் புதிய கொரோனா மாறுபாடு பரவி வருவதால் சுகாதாரத்துறை நிபுணர்கள் மத்தியில் கவலை எழுந்துள்ளது. இந்த புதிய மாறுபாடு வேகமாக பரவக்கூடியதா அல்லது ஆபத்தானதா என்பது தொடர்ந்து தெரியாது என்று இங்கிலாந்து சுகாதார மைய அதிகாரிகள் தெரிவித்துள்ளனர்.
COVID
FLiRT என்ற அழைக்கப்படும் புதிய மாறுபாடு இப்போது கண்காணிக்கப்பட்டு வருகிறது. இந்த மாறுபாடு காரணமாக காரணமாக கொரோனா பாதிப்பு அதிகரித்து வருகிறது. KP.2, KP.3, JN.1.7, JN.1.1, மற்றும் KP.1.1 போன்ற பல்வேறு வகைகளைக் கொண்ட குடும்பத்தை சேந்த புதிய மாறுபாடு என்பதால் நிபுணர்கள் இந்த மாறுபாட்டை FLiRT என்ற சொல்லைப் பயன்படுத்துகின்றனர்.
Latest Videos
covid 19
பொதுவாக கொரோனாவின் புதிய மாறுபாடு தோன்றும் போது, ஆரம்ப கட்டத்தில், பிறழ்வுகள் வைரஸுக்கு ஏதேனும் நன்மைகளை வழங்குகின்றனவா என்பதை அறிவது மிகவும் கடினம். 'மரபணு மாற்றங்கள் எல்லா நேரங்களிலும் நிகழும், சில சமயங்களில் வைரஸைக் குறைவாகப் பரவச் செய்யும் அல்லது மக்களில் லேசான எதிர்வினையை ஏற்படுத்துவதாக அறியப்படுகிறது என்ற இங்கிலாந்து சுகாதார மையம் தெரிவித்துள்ளது.
மே 7 ஆம் தேதியுடன் முடிவடைந்த வாரத்தில் 1,985 கோவிட் பாதிப்புகள் பதிவு செய்யப்பட்டுள்ளன, இது முந்தைய ஏழு நாட்களில் 25 சதவீதம் அதிகமாகும். ஆயினும்கூட, சமூகத்தின் ஒரு பகுதியை மட்டுமே இது பிரதிபலிக்கிறது. மேலும் மே 5 ஆம் தேதியுடன் முடிவடைந்த வாரத்தில் 8.6 சதவீதமாக உயர்ந்துள்ளது, இது முந்தைய வாரத்தில் பதிவுசெய்யப்பட்ட 6.8 சதவீதத்தை விட அதிகமாகும்.
இங்கிலாந்து பொது சுகாதார திட்டங்களின் இயக்குனர் டாக்டர் மேரி ராம்சே இதுகுறித்து பேசிய போது “ கோவிட் பாதிப்புமற்றும் மருத்துவமனையில் சேர்க்கப்படுபவர்களின் எண்ணிக்கை இந்த வாரம் அதிகரித்துள்ளது,
எனவே தடுப்பூசியை போட்டுக்கொள்ளவில்லை எனில், தடுப்பூசியைப் பெறுவதற்கான நேரம் இது. 'உங்களுக்கு கோவிட் அல்லது காய்ச்சலின் அறிகுறிகள் இருந்தால், வீட்டிலேயே இருக்க முயற்சி செய்யுங்கள், ஏனெனில் இது மற்றவர்களைப் பாதுகாக்க உதவுகிறது.
FLiRT மாறுபாட்டுக்கு என்று புதிய குறிப்பிட்ட அறிகுறிகள் எதுவும் இருப்பதாகத் தெரியவில்லை. நோய்த்தொற்றின் காலமும் JN.1 மற்றும் முந்தைய Omicron மாறுபாடுகளைப் போலவே உள்ளது என்றும் நிபுணர்கள் கூறியுள்ளனர்.
FLiRT மாறுபாடு இதற்கு முன்பு பரவிய மற்ற மாறுபாடுகளை விட அச்சுறுத்தலாக உள்ளது என்பதற்கு தற்போது எந்த ஆதாரமும் இல்லை. இது மற்ற விகாரங்களை விட கடுமையான நோயை ஏற்படுத்தும் என்று நம்புவதற்கு எந்த காரணமும் இல்லை என்று அதிகாரிகள் தெரிவித்துள்ளனர்.
மனிதர்களைப் பாதிக்கும் பிற கொரோனா வைரஸ்கள் பொதுவாக லேசான அறிகுறிகளை ஏற்படுத்துகின்றன. எவ்வாறாயினும், சுவாச அறிகுறிகள் உள்ளவர்களுக்கு, வயதானவர்கள், கர்ப்பிணிப் பெண்கள் மற்றும் அடிப்படை சுகாதார பிரச்சனை உள்ளவர்கள் போன்ற பாதிக்கப்படக்கூடிய குழுக்களுடன் கவனமுடன் இருக்க வேண்டும் என்று அதிகாரிகள் அறிவுறுத்தி உள்ளனர்.
சேனலை கிளிக் செய்து பின்தொடரவும்click me!