First Actress With Private Jet : ஹீரோக்களின் ஆதிக்கம் மட்டுமே அதிகம் இருந்த 1970களில் டாப் நடிகர்களுக்கே சவால் விடும் அளவிற்கு ஒரு நடிகை புகலோடு வலம் வந்திருக்கிறார், அவர் குறித்து இந்த பதிவில் காணலாம்.
இன்றைய காலகட்டத்தில் ஹீரோக்களுக்கு இணையாக நாயகிகளும் பெரிய அளவில் வரவேற்கப்படுகின்றனர். பல முன்னணி ஹீரோயின்கள் தங்களுக்கு என தனி விமானம் வைத்திருக்கும் அளவிற்கு பெரிய அளவில் சம்பளமும் பெற்று வருகின்றனர்.
ஆனால் 1970களின் தொடக்கத்தில் அறிமுகமான ஒரு நடிகை, அப்போது புகழின் உச்சத்தில் இருந்த எம்ஜிஆர் சிவாஜி கணேசன் போன்ற சம்பவங்களுக்கு நிகராக சம்பளம் பெற்று மிகப்பெரிய ஹிட் நாயகியாக வலம் வந்துள்ளார்.
இந்திய மொழிகள் பலவற்றுள் 600க்கும் மேற்பட்ட படங்களில் நடித்து மிகப்பெரிய நடிகையாக வளம் வந்தது மட்டுமல்லாமல், தனக்கென தனி விமானம் வாங்கிய முதல் நடிகையாகவும் திகழ்ந்து வருகிறார் இவர். அவர் வேறு யாரும் அல்ல புன்னகை அரசி கே ஆர் விஜயா அவர்கள் தான்.
1963ம் ஆண்டு தனது 15 வது வயதில் கற்பகம் என்ற திரைப்படத்தில் நடித்து தமிழ் திரையுலகில் அறிமுகமான இவர் சுமார் 60 ஆண்டுகளுக்கும் மேலாக தமிழ் திரையுலகில் பயணித்து வருகிறார். 75 வயது நிரம்பிய கே ஆர் விஜயா கடந்த 2023ம் ஆண்டு வெளியான மூத்தகுடி என்ற படத்தில் நடித்திருந்தார்.
தமிழ், தெலுங்கு, மலையாளம், கன்னடம்மற்றும் ஹிந்தி என்று இவர் நடிக்காத இந்திய மொழிகளே இல்லை என்று சொல்லும் அளவிற்கு மிக சிறந்த நடிகையாக கடந்த பல ஆண்டுகளாக பயணித்து வருகின்றார். 4 தலைமுறை நடிகர்களோடு பயணிக்கும் கே.ஆர். விஜயா தமிழ் சினிமாவின் மணிமகுடமாக திகழ்கிறார்.