ashok selvan Marriage
தமிழ் சினிமாவில் வித்தியாசமான கதையம்சம் கொண்ட படங்களை தேர்ந்தெடுத்து நடித்து வரும் இளம் நடிகர் தான் அசோக் செல்வன். இவர் நடித்த தெகிடி, ஓ மை கடவுளே, போர் தொழில் ஆகிய திரைப்படங்கள் பிளாக்பஸ்டர் ஹிட் ஆகின. தொடர்ந்து அடுத்தடுத்த படங்களில் பிசியாக நடித்து வரும் அசோக் செல்வனுக்கு இன்று திருமணம் நடைபெற்றுள்ளது.
ashok selvan, keerthi Pandian wedding
நடிகர் அசோக் செல்வன், நடிகை கீர்த்தி பாண்டியனை கரம்பிடித்துள்ளார். நடிகரும், தயாரிப்பாளருமான அருண் பாண்டியனின் மகளான கீர்த்தி பாண்டியன், தமிழ் சினிமாவில் தும்பா என்கிற படம் மூலம் ஹீரோயினாக அறிமுகமானார். இதையடுத்து அன்பிற்கினியாள் என்கிற படத்தில் அவர் நடித்திருந்தார்.
ashok selvan keerthi pandian wedding
அசோக் செல்வன், கீர்த்தி பாண்டியன் ஜோடியின் திருமணம் திருநெல்வேலி அருகே உள்ள இட்டேரி என்கிற கிராமத்தில் அமைந்துள்ள நடிகர் அருண் பாண்டியனின் பண்ணை வீட்டில் நடைபெற்றுள்ளது. இயற்கை சூழல் நிரம்பிய அந்த இடத்தில் மேடை அமைத்து அதில் திருமணம் நடைபெற்று இருக்கிறது.
Ramya Pandian
இவர்களது திருமணத்தில் நெருங்கிய உறவினர்கள் மற்றும் நண்பர்கள் மட்டுமே கலந்துகொண்டனர். நடிகை கீர்த்தி பாண்டியனின் அக்காவான நடிகை ரம்யா பாண்டியனும் இந்த திருமணத்தில் கலந்துகொண்டார். வருகிற செப்டம்பர் 17-ந் தேதி சென்னையில் நடக்க உள்ள திருமண வரவேற்பில் சினிமா பிரபலங்கள் கலந்துகொள்வார்கள் என எதிர்பார்க்கப்படுகிறது.