அரண்மனை 4 படத்தின் புரமோஷன் நிகழ்ச்சியில் கலந்துகொண்ட நடிகைகள் ராஷி கண்ணா மற்றும் தமன்னாவின் புகைப்படங்கள் வெளியாகி வைரலாகிறது.
சுந்தர் சி-யின் கெரியரில் மிகப்பெரிய ஹிட் அடித்த படம் என்றால் அது அரண்மனை தான். அப்படத்தின் முதல் பாகம் கடந்த 2014-ம் ஆண்டு வெளியாகி மாஸ் ஹிட் அடித்ததை அடுத்து அதன் இரண்டாம் பாகத்தை எடுக்க முடிவெடுத்த சுந்தர் சி. கடந்த 2016-ம் ஆண்டு அப்படத்தை வெளியிட்டார்.
முதல் பாகத்தை போல் இரண்டாம் பாகமும் வசூலில் சக்கைப்போடு போட்டதால், கடந்த 2021-ம் ஆண்டு அப்படத்தின் மூன்றாம் பாகத்தை இயக்கி வெளியிட்டார் சுந்தர் சி. முதல் இரண்டு பாகங்கள் அளவுக்கு இப்படம் விமர்சன ரீதியாக வரவேற்பை பெறாவிட்டாலும் வசூலில் நல்ல லாபம் பார்த்தது.
இந்த நிலையில், தற்போது அரண்மனை படத்தின் நான்காம் பாகத்தை இயக்கி இருக்கிறார் சுந்தர் சி. விஜய் சேதுபதியை வைத்து இப்படத்தை எடுக்க இருந்த சுந்தர் சி. கடைசி நேரத்தில் கால்ஷீட் பிரச்சனை காரணமாக விஜய் சேதுபதி விலகியதால், அவருக்கு பதில் தானே ஹீரோவாக களமிறங்கினார் சுந்தர் சி.
இதையும் படியுங்கள்... Amala Paul: வயிற்றில் நிறைமாத குழந்தையோடு.. டைட்டான கவர்ச்சி உடையில் அமலா பால் நடத்திய ஃபர்ஸ்ட் போட்டோ ஷூட்!
அரண்மனை 4 திரைப்படத்தை இயக்கி, ஹீரோவாக நடித்துள்ளதோடு மட்டுமின்றி அப்படத்தை தன்னுடைய மனைவி குஷ்பு உடன் சேர்ந்து தயாரித்தும் உள்ளார் சுந்தர் சி. இப்படம் கடந்த ஏப்ரல் 26-ந் தேதியே திரையரங்குகளில் ரிலீஸ் ஆவதாக இருந்தது. ஆனால் கடைசி நேரத்தில் மே 3-ந் தேதிக்கு மாற்றப்பட்டது.
இந்த நிலையில் அரண்மனை 4 திரைப்படம் வருகிற மே 3-ந் தேதி ரிலீஸ் ஆக உள்ளதால் அதற்கான புரமோஷன் பணிகள் முழுவீச்சில் நடைபெற்று வருகின்றன. நடிகைகள் தமன்னா, ராஷி கண்ணா, இயக்குனர் சுந்தர் சி ஆகியோர் அதற்கான புரமோஷன் நிகழ்ச்சிகளில் கலந்துகொண்டு படம் குறித்த சுவாரஸ்ய தகவல்களை பகிர்ந்து வருகின்றனர்.
அந்த வகையில் அரண்மனை 4 படத்தின் தெலுங்கு வெர்ஷனுக்கான புரமோஷன் நிகழ்ச்சி நேற்று ஐதராபாத்தில் நடைபெற்றது. இதில் தமன்னா ஹோம்லியாக சேலை அணிந்து வந்து கலந்துகொள்ள, மறுபுறம் நடிகை ராஷி கண்ணா, படு கவர்ச்சியான் ஆடையில் வந்து கலந்துகொண்டு கவனம் ஈர்த்தார். அவர்கள் இருவரின் புகைப்படங்களும் செம்ம வைரலாகி வருகின்றன.
இதையும் படியுங்கள்... Ajith Net Worth : தன்னை தானே செதுக்கி.. நடிகனாக உச்சம் தொட்ட அஜித் - அவரின் வியக்க வைக்கும் சொத்து மதிப்பு இதோ