Snehalayaa Opening : பிரபல நடிகை சினேகா, ஸ்நேஹாலயா என்ற பெயரில் தனது கணவர் பிரசன்னாவோடு இணைந்து புதிய துணி கடை ஒன்றை திறந்துள்ளார்.
மலையாள மொழியின் மூலம் திரையுலகில் அறிமுகமான மும்பையில் பிறந்த நடிகை சினேகா, தமிழில் முதல் முதலில் நடித்த திரைப்படம் கடந்த 2000வது ஆண்டு மாதவன் நடிப்பில் வெளியான "என்னவளே" என்ற படத்தில் தான்.
அதை தொடர்ந்து தமிழில் வெளியான "ஆனந்தம்", "பார்த்தாலே பரவசம்", "புன்னகை தேசம்", "விரும்புகிறேன்", "ஏப்ரல் மாதத்தில்" மற்றும் "ஆட்டோகிராப்" என்று தொடர்ச்சியாக இவர் நடிப்பில் வெளியான பல படங்கள் வெற்றி படங்களாக மாறியது.
கடந்த 23 ஆண்டுகளாக தமிழில் திரையுலகம் மட்டுமல்லாமல் மலையாளம், கன்னடம் மற்றும் தெலுங்கு உள்ளிட்ட மொழி திரைப்படங்களில் நடித்து வரும் சினேகா தற்பொழுது தளபதி நடிப்பில் உருவாகி வரும் GOAT திரைப்படத்தில் ஒரு முக்கிய கதாபாத்திரத்தில் நடித்து வருகிறார்.
இந்நிலையில் கடந்த பிப்ரவரி 12ஆம் தேதி தனது கணவரோடு இணைந்து "சினேகாலயா" என்கின்ற ஒரு துணிக்கடையை அவர் திறந்துள்ளார். இந்த கடையின் திறப்பு விழாவிற்கு பிரபல மருத்துவர் அனிதா விஜயகுமார் தனது குடும்பத்தோடு வருகை தந்திருந்தார். அதேபோல சினிமா துறையை சேர்ந்த பல பிரபலங்களும் வந்து அவர்களை வாழ்த்தினர்.
இளசுகள் நெஞ்சை கவர்ச்சியால் கொள்ளையடிக்கும் மாளவிகா மோஹனன் - லேட்டஸ்ட் ஹாட் போட்டோஸ் இதோ!