மலையாள நடிகையான இனியா, சமீபத்திய புகைப்படம் தற்போது வெளியாகி அனைவரையும் அதிர்ச்சியடைய வைத்துள்ளது. காரணம் இதில் செம்ம குண்டாக உள்ளார் நடிகை இனியா.
மலையாள படங்களில் அறிமுகமான நடிகை இனியா, தமிழில் நடிகர் விமலுக்கு ஜோடியாக 'வாகை சூடவா' என்கிற படத்தின் மூலம் தமிழ் திரையுலகில் அறிமுகமானார். இயக்குனர் சற்குணம் இயக்கிய இந்த படத்தில் நடித்ததற்காக சிறந்த நடிகைக்கான தமிழ்நாடு ஸ்டேட் அவார்டு உட்பட பல விருதுகளை பெற்றார்.
முதல் தமிழ் படத்திலேயே தமிழ் ரசிகர்களால் அதிகம் கவனிக்கப்பட்ட இனியா, இதை தொடர்ந்து... அம்மாவின் கைப்பேசி', 'சென்னையில் ஒரு நாள்', 'நான் சிகப்பு மனிதன்', 'மெளனகுரு', 'புலிவால்' என அடுத்தடுத்து பல தமிழ் படங்களில் நடிக்கும் வாய்ப்பை கைப்பற்றினார்.
தமிழ் - மலையாளம் மட்டும் இன்றி, தெலுங்கு, கன்னடம் போன்ற தென்னிந்திய மொழிகளிலும் தொடர்ந்து நடித்து வந்தார் இனியா. சமீப காலமாக இவருக்கு எதிர்பார்த்த அளவுக்கு தமிழ் பட வாய்ப்புகள் கிடைக்கவில்லை என்றாலும், அவ்வப்போது சில படங்களில் தலை காட்டி வருகிறார். அந்த வகையில் தற்போது இவரின் கைவசம் 'நான் கடவுள் இல்லை' என்கிற ஒரே ஒரு படம் மட்டுமே உள்ளது.
இந்நிலையில் கடந்த ஆண்டு நடிப்பில் சம்பாதித்த பணத்தை வைத்து, நடிகை இனியா அனோரா ஆர்ட் ஸ்டூடியோ என்கிற நிறுவனத்தை தொடங்கினார். இதில் பெண்களுக்கான ஆடைகள், உடை வடிவமைப்பு, மேக்கப் மற்றும் புகைப்படங்கள் எடுப்பதற்கான அரங்கம் என எல்லா வசதிகளும் ஒரே இடத்தில் கொண்ட நிறுவனமாக இயக்கி வருகிறது.
தன்னுடைய நிறுவனத்தில் முழு கவனம் செலுத்தி வரும் இனியா... சமீபத்தில், தன்னுடைய பிறந்தநாளை, இந்த நிறுவனத்தின் முதலாம் ஆண்டு ஆனிவர்சரியையும் ஒரே நாளில் கொண்டாடினார்.
இந்த நிகழ்ச்சியில், இனியாவின் நண்பர்கள் உள்ளிட்ட பலர் கலந்து கொண்டனர். மேலும் இந்த நிகழ்ச்சியில் இனியா கலந்து கொண்ட புகைப்படங்களை பார்த்து... 'வாகை சூடவா' படத்தில் நடித்த இனியாவா இது என ஆச்சர்யத்துடன் கேள்வி எழுப்பி வருகிறார்கள்.