சசி இயக்கிய ரோஜா கூட்டம் படம் மூலம் தமிழ் திரையுலகில் ஹீரோவாக அறிமுகமானவர் ஸ்ரீகாந்த். இதையடுத்து ஏப்ரல் மாதத்தில், பார்த்திபன் கனவு என அடுத்தடுத்து வெற்றிப்படங்களில் நடித்த ஸ்ரீகாந்த், கடந்த 2008-ம் ஆண்டு வந்தனா என்பவரை காதலித்து திருமணம் செய்துகொண்டார். இந்த ஜோடிக்கு 2 பிள்ளைகளும் உள்ளனர்.
ஸ்ரீகாந்த் - வந்தனா ஜோடிக்கு திருமணமாகி 16 ஆண்டுகள் ஆனாலும் அவர்கள் இருவரும் இன்றளவும் இளமை குறையாமல் அப்படியே இருக்கின்றனர். அதில் ஸ்ரீகாந்தின் மனைவி வந்தனா, நடிகை நதியா போல் வயசாக வயசாக இளமையாகிக் கொண்டே இருக்கிறார் என்று தான் சொல்ல வேண்டும்.
ஸ்ரீகாந்த் பட்டு வேஷ்டி சட்டையிலும் அவரது மனைவி வந்தனா பட்டுசேலையும் அணிந்து திருப்பதி கோவிலுக்கு சாமி தரிசனம் செய்ய வந்திருந்தனர். அப்போது அவர்கள் இருவரும் ஜோடியாக சில புகைப்படங்களை எடுத்துக் கொண்டனர்.
அந்த புகைப்படங்களை பார்த்த நெட்டிசன்கள் உங்கள் இருவருக்கும் வயசே ஆகாதா என்று கேள்வி எழுப்பி வருகின்றனர். ஒரு சிலரோ உங்கள் இருவரின் பியூட்டி சீக்ரெட்டை வெளியிடுமாறு வேண்டுகோள் விடுத்த வண்ணம் உள்ளனர்.
நடிகர் ஸ்ரீகாந்த் - வந்தனா ஜோடிக்கு அஹானா என்கிற மகளும், ஆஹில் என்கிற மகனும் உள்ளனர். இதில் ஸ்ரீகாந்தின் மகன் ஆஹிலுக்கு 15 வயது ஆகிறது, அவரது மகள் அஹானாவுக்கு 13 வயது ஆகிறது.