விஜய் டிவியின் வைகை புயல் வடிவேலு பாலாஜியின் நினைவு தினம் இன்று அனுசரிக்கப்பட்டு வருகிறது. இதுகுறித்து மிகவும் உருக்கமாக, பதிவு ஒன்றையும் போட்டுள்ளார் குக் வித் கோமாளி புகழ்.
விஜய் டிவியில் வைகைப்புயல் வடிவேலுவின், முக தோற்றதோடு வலம் வந்தவர், வடிவேல் பாலாஜி. சிலர் பேசினால் தான் சிரிப்பு வரும், ஆனால் இவரை பார்த்தாலே பலர் விழுந்து விழுந்து சிரிப்பார்கள். அந்த அளவிற்கு தன்னுடைய வசீகரமான காமெடியால், ரசிகர்களை வயிறு குலுங்க சிரிக்க வைத்தவர். குறிப்பாக சிவகார்த்திகேயன் தொகுப்பாளராக தொகுத்து வழங்கி வந்த, 'இது அது எது' நிகழ்ச்சியில் சிரிச்சா போச்சு சுற்றில் பல வேடங்களில் வந்து பிரபலங்களை சிரிக்க வைப்பர்.
இப்படி பலரை சிரிக்க வைத்து வந்த வடிவேல் பாலாஜிக்கு, கடந்த 2020-ம் ஆண்டு திடீர் உடல்நல குறைவு ஏற்பட்டு, தொடர்ந்து சிகிச்சை அளித்து வந்த போதும், சிகிச்சை பலனின்றி... செப்டம்பர் மாதம் 10-ந் தேதி காலமானார்.
,மேலும் செய்திகள்: முதல் முறையாக வெளியான சிவகார்த்திகேயனின் மகன் புகைப்படம்! சமூக வலைத்தளத்தில் வைரலாகி வருகிறது!
இவரின் திடீர் மறைவு சின்னத்திரை மற்றும் சினிமா வட்டாரத்தையே பேரதிர்ச்சியில் ஆழ்த்தியது. அவருடன் பணியாற்றிய காமெடி நடிகர்கள் அனைவரும் தற்போது வரை இவரது இழப்பை நினைத்து... ஒவ்வொரு நாளும் வேதனை பட்டு வருகிறார்கள்.
உடன் பணியாற்றியவர்களுக்கே இப்படி என்றால்... இவர்களின் குடும்பத்தை பற்றி சொல்லவா வேண்டும்? கணவனை இழந்து இவரது மனைவியும், அப்பாவை இழந்து அவரது பிள்ளைகளும் தவித்து வருகிறார்கள். வடிவேல் பாலாஜி இருக்கும் போதே... அவரது குடும்பம் பொருளாதார ரீதியாக மிகவும் கஷ்டப்பட்டு தான் வந்தனர். இப்போது சாப்பாட்டிற்கு கூட அவர்கள் கஷ்டப்பட்டு வருவதாக கூறப்படுகிறது.
,மேலும் செய்திகள்: அதிர்ச்சி.. 20 மருத்துவர்களால் சிகிச்சை அளிக்கப்பட்ட லட்சுமி ராமகிருஷ்ணன் மகள்! என்ன ஆச்சு? அவரே கூறிய தகவல்!
மேலும் நடிகர் சிவகார்த்திகேயன், வடிவேல் பாலாஜியின் பிள்ளைகள் படிப்பு செலவை ஏற்று கொண்டுள்ளார். விஜய் டிவி தரப்பில் இருந்தும் அவ்வப்போது உதவிகள் செய்யப்பட்டு வருவதாக கூறப்படுகிறது.
வடிவேல் பாலாஜி, குக் வித் கோமாளி புகழின் வளர்ச்சிக்கு மிகவும் முக்கியமானவர். காமெடியில் சிலர் தடுமாறினாள் கூட, அவர்கள் தோள்களை தட்டி கொடுத்து எப்படி காமெடி செய்தால் நன்றாக இருக்கும் என பலரை வளர்த்து விட்ட மனிதன். எனவே தான் புகழ் எப்போதுமே அவரை மாமா மாமா என்று கூறி அவர் மீது பாசத்தை பொழிவார்.
,மேலும் செய்திகள்: இயக்குனர் பாரதிராஜாவை நேரில் சந்தித்து நலம் விசாரித்த முதலமைச்சர் ஸ்டாலின்!
திருமணம் ஆன கையேடு வடிவேல் பாலாஜியின் புகைப்படத்தை தொட்டு ஆசீர் வாதமும் பெற்றார். வடிவேல் பாலாஜியே தனக்கு மகனாக பிறக்க வேண்டும் என, உருக்கமாக கூறி இருந்தார்.
மேலும் தற்போது போட்டுள்ள பதிவில் கூட புகழ்... நீ எங்களோடு இல்லாமல் இரன்டு ஆண்டுகள் ஆகிவிட்டது. இப்போதும் நீ இல்லை என்று நினைக்க முடியவில்லை. எப்போதும் நீ எங்களுடன் இருப்பது போலவே இருக்கிறது மாமா. என் வாழ்க்கைக்கு வழி காட்டிய நீ, முக்கிய தருணங்களில் இல்லாமல் போய் விட்டாயே... இதை எழுதும் போதே என் கண்கள் கலங்குகிறது. மிஸ் யூ மாமா. என பதிவு செய்துள்ளார்.
,மேலும் செய்திகள்: பாடலாசிரியர் கபிலனின் மகள் தூரிகை யார்..? என்ன செய்கிறார்... தற்கொலைக்கு என்ன காரணம்?
மேலும் இவரை தொடர்ந்து , இவரது காமெடியை பார்த்து... அன்று மன நிறைவோடு சிரித்த பலரும், இன்று மனம் உருகி இவரை நினைத்து தங்களின் இரங்கலை தெரிவித்து வருகிறார்கள்.
சேனலை கிளிக் செய்து பின்தொடரவும்