Dil Raju : தயாரிப்பாளர் தில் ராஜுவின் முதல் மனைவி கடந்த 2017-ம் ஆண்டு மாரடைப்பால் உயிரிழந்தார். இவர்களுக்கு ஹன்சிதா ரெட்டி என்கிற மகளும் உள்ளார்.
தெலுங்கு திரையுலகில் முன்னணி தயாரிப்பாளராக வலம் வருபவர் தில் ராஜு. இவர் தற்போது தமிழ் தெலுங்கில் தயாராகி வரும் ஆர்.சி.15 படத்தை தயாரித்து வருகிறார். ஷங்கர் இயக்கும் இப்படத்தில் நடிகர் ராம்சரண் நாயகனாக நடிக்கிறார். அவருக்கு ஜோடியாக பாலிவுட் நடிகை கியாரா அத்வானி நடிக்க, முக்கிய கதாபாத்திரத்தில் நடிகை அஞ்சலி நடித்துள்ளார். தமன் இப்படத்திற்கு இசையமைக்கிறார். இப்படத்தின் ஷுட்டிங் விறுவிறுப்பாக நடைபெற்று வருகிறது.
இதையும் படியுங்கள்... பாலிவுட் நடிகைக்கு நோ சொல்லிவிட்டு... தன்னைவிட 20 வயது குறைவான நடிகையுடன் ஜோடி சேர ஆசைப்படும் எஸ்.கே
அதேபோல் தில் ராஜு தயாரிப்பில் தயாராகி வரும் மற்றுமொரு பிரம்மாண்ட படம் என்றால் அது விஜய்யின் 66-வது படமான வாரிசு தான். வம்சி இயக்கும் இப்படத்தில் நடிகர் விஜய் உடன் ராஷ்மிகா மந்தனா, குஷ்பு, பிரபு, சரத்குமார், ஷ்யாம், சம்யுக்தா, சங்கீதா, பிரகாஷ் ராஜ் என மிகப்பெரிய நட்சத்திர பட்டாளமே நடித்து வருகிறது. இந்த படத்திற்கும் தமன் தான் இசையமைக்கிறார்.
இதையும் படியுங்கள்... Santhanam : கட்டுமான ஒப்பந்ததாரரை தாக்கிய வழக்கு... நடிகர் சந்தானத்துக்கு நீதிமன்றம் அதிரடி உத்தரவு
தயாரிப்பாளர் தில் ராஜுவின் முதல் மனைவி கடந்த 2017-ம் ஆண்டு மாரடைப்பால் உயிரிழந்தார். இவர்களுக்கு ஒரு மகள் உள்ளார். முதல் மனைவியின் மறைவுக்கு பின்னர் கடந்த 2020-ம் ஆண்டு தேஜஸ்வினி என்கிற பெண்ணை இரண்டாவது திருமணம் செய்துகொண்டார் தயாரிப்பாளர் தில் ராஜு.
இதையும் படியுங்கள்... Radha Ravi : தமன்னாவை சுத்தி சுத்தி பார்த்து சர்ச்சையில் சிக்கிய ராதா ரவி
இந்நிலையில், தற்போது 51 வயதாகும் தில் ராஜுவுக்கு இரண்டாவது மனைவி தேஜஸ்வினி மூலம் ஆண் குழந்தை பிறந்துள்ளது. தளபதி 66 படத்துக்கு வாரிசு என பெயர் வைத்த ராசியால் தான் அவருக்கு ஆண் வாரிசு பிறந்துள்ளதாக ரசிகர்கள் கூறி வருகின்றனர். இதுதவிர சோசியல் மீடியாவில் தில் ராஜு - தேஜஸ்வினி தம்பதிக்கு வாழ்த்துக்கள் குவிந்த வண்ணம் உள்ளது.