ராஷ்மிகா மந்தனா இதுக்கு சரிப்பட்டு வரமாட்டார்.. விளாசும் நெட்டிசன்கள்.. என்ன விஷயம்?

Rashmika Mandanna: இந்திய இசை உலகின் ஜாம்பவான் எம்.எஸ். சுப்புலட்சுமி அம்மாவின் பயோபிக் படத்தில் ராஷ்மிகா மந்தனா லீட் ரோலில் நடிக்கிறார்.இந்த கேரக்டருக்கு ராஷ்மிகா செட்டாக மாட்டார் என நெட்டிசன்கள் கடுமையாக விமர்சித்து வருகின்றனர்.

எம்.எஸ். சுப்புலட்சுமியின் பயோபிக்

பாரத ரத்னா எம்.எஸ். சுப்புலட்சுமி அம்மாவின் வாழ்க்கை வரலாற்றுப் படம் இப்போது அதிகாரப்பூர்வமாக அறிவிக்கப்பட்டுள்ளது. சமீபத்தில் இந்த படத்தின் பூஜையும் மிக பிரம்மாண்டமாக நடந்து முடிந்தது. இந்த வரலாற்று சிறப்புமிக்க படத்தில், எம்.எஸ். சுப்புலட்சுமி கேரக்டரில் நேஷனல் கிரஷ் நடிகை ராஷ்மிகா மந்தனா நடிக்கிறார்.

எம்.எஸ். சுப்புலட்சுமியாக ராஷ்மிகா மந்தனா

வெறும் ஒரு பாடகியாக மட்டுமில்லாமல், சுப்புலட்சுமியின் வாழ்க்கையில் இருந்த உணர்வுகள், போராட்டங்கள், ஆன்மீகப் பயணம் மற்றும் அவரது மனவலிமை ஆகியவற்றை ரசிகர்களிடம் கொண்டு சேர்க்க ராஷ்மிகா தயாராகி வருகிறார். இந்த முக்கியமான வரலாற்றுப் படத்தை பிரபல இயக்குனர் கௌதம் தின்னனூரி இயக்குகிறார். இளைஞர்களின் ஃபேவரைட் இசையமைப்பாளர் அனிருத் ரவிச்சந்தர் இதற்கு இசையமைக்கிறார்.

விளாசும் நெட்டிசன்கள்

இந்திய சினிமாவின் முன்னணி தயாரிப்பாளர்களான அல்லு அரவிந்த், ராக்லைன் வெங்கடேஷ் மற்றும் வாசு ஆகியோர் இணைந்து இந்த படத்தை தயாரிக்கிறார்கள். சில நாட்களுக்கு முன்பு, செப்டம்பர் 16ஆம் தேதி சுப்புலட்சுமியின் 110வது பிறந்தநாளை முன்னிட்டு சென்னையில் இந்த படத்தின் பூஜை நடந்தது. இதில் நடிகர் கமல்ஹாசன் கலந்துகொண்டு கிளாப் அடித்து தொடங்கி வைத்தார். எல்லாம் நல்லபடியாக நடந்து கொண்டிருக்கும் நிலையில், இந்த படத்துக்கு ராஷ்மிகாவை தேர்வு செய்தது குறித்து நெட்டிசன்கள் தங்களது அதிருப்தியை வெளிப்படுத்தி வருகிறார்கள்.

ராஷ்மிகா மந்தனா சரியான தேர்வு இல்லையா?

எம்.எஸ். சுப்புலட்சுமி கேரக்டருக்கு ராஷ்மிகா மந்தனா சரியான தேர்வு கிடையாது. ராஷ்மிகா ஒரு சிறந்த நடிகையாக இருக்கலாம், ஆனால் எம்.எஸ். சுப்புலட்சுமி வேடத்துக்கு சாய் பல்லவி, வித்யா பாலன் அல்லது கீர்த்தி சுரேஷ் போன்ற நடிகைகள் தான் நடித்திருக்க வேண்டும் என நெட்டிசன்கள் தெரிவித்து வருகின்றன. இதற்கு முன்பு சுப்புலட்சுமி கேரக்டரில் சாய் பல்லவி நடிக்கப் போவதாக செய்திகள் வெளியானது.

அதற்கும் முன்பாக வித்யா பாலன் கூட எம்.எஸ். சுப்புலட்சுமி கெட்டப்பில் தோன்றி ஆச்சரியப்படுத்தினார். சமீபத்தில் ருக்மிணி வசந்த் இந்த கேரக்டரில் நடிக்கிறார் என்றும் பேசப்பட்டது. இந்த நடிகைகளில் யாராவது ஒருவர் நடித்திருந்தால் அந்த கேரக்டருக்கு கச்சிதமாக இருந்திருக்கும், ஆனால் ராஷ்மிகா மந்தனா இதற்கு சரியான தேர்வு இல்லை என்பதே நெட்டிசன்களின் கருத்தாக இருக்கிறது.

வரிசையாக பல படங்களில் ராஷ்மிகா மந்தனா

ராஷ்மிகா மந்தனா இப்போது ரொம்ப பிஸியான நடிகையாக வலம் வருகிறார். அவர் வரிசையாக பல படங்களில் நடித்துக் கொண்டிருக்கிறார். ராஷ்மிகா, விஜய் தேவரகொண்டாவுடன் 'ரணபாலி' படத்தில் நடிக்கிறார். அவர் 'மைசா' என்ற ஹாரர் படத்திலும் நடித்து வருகிறார். அதுமட்டுமில்லாமல், அல்லு அர்ஜுனுடன் 'ராகா' படத்திலும் நடித்து வருவது குறிப்பிடத்தக்கது.