Bigg Boss Tamil Season 8 : சூப்பர் ஸ்டார் ரஜினிகாந்தின் திரைப்படம் மூலம் தமிழ் திரையுலகில் அறிமுகமான நடிகை சௌந்தர்யா நஞ்சுண்டான் பிக் பாஸ் வீட்டிற்குள் நுழைந்துள்ளார்.
இதுவரை கடந்த ஏழு சீசன்களாக பிக் பாஸ் நிகழ்ச்சியை உலகநாயகன் கமல்ஹாசன் தொகுத்து வழங்கி வந்த நிலையில், இந்த முறை பிரபல நடிகர் மக்கள் செல்வன் விஜய் சேதுபதி இந்த நிகழ்ச்சியை தொகுத்து வழங்கி வருகிறார். புதிது புதிதாக பல போட்டியாளர்கள் இந்த முறை பிக் பாஸ் வீட்டிற்குள் நுழைந்து இருப்பது சின்னத்திரை ரசிகர்களை மிகப்பெரிய ஆர்வத்தில் ஆழ்த்தி இருக்கிறது என்றால் அது மிகையல்ல. விஜய் டிவியில் பிரபலமான முகங்கள் சிலர் இந்த நிகழ்ச்சிகள் இடம் பெற்றிருந்தாலும், பலருக்கும் பரிட்சையும் இல்லாத புதிய முகங்களும் அதிக அளவில் இந்த முறை பிக் பாஸ் வீட்டிற்குள் சென்று இருப்பது குறிப்பிடத்தக்கது.
மினி பிக்பாஸ் வீட்டுல் இருந்து தான் வருகிறேன்! பாட்டோடு என்ட்ரி கொடுத்த பவித்ரா ஜனனி!
குறிப்பாக கானா பாடகர் ஜெஃப்ரி இந்த முறை பிக் பாஸ் வீட்டிற்குள் நுழைந்து இருக்கிறார். அதேபோல மகாராஜா திரைப்படத்தில் மக்கள் செல்வன் விஜய் சேதுபதிக்கு மகளாக நடித்த நடிகை சஞ்சனா நமிதாஸ் இந்த பிக் பாஸ் வீட்டிற்குள் நுழைந்து இருப்பதும் குறிப்பிடத்தக்கது. அதேபோல விஜய் டிவியின் மூத்த தொகுப்பாளராக விளங்கி வந்த தீபக் இந்த நிகழ்ச்சியில் பங்கேற்று இருக்கிறார். பிரபல தயாரிப்பாளரும் திரைப்பட விமர்சனமான ரவீந்திரன் சந்திரசேகரும் இந்த வீட்டில் இணைந்திருப்பது மிகப்பெரிய எதிர்பார்ப்புகளை ஏற்படுத்தியிருக்கிறது.
இந்த சூழலில் பெங்களூருவில் பிறந்து மாடலிங் துறையில் களமிறங்கி சூப்பர் ஸ்டார் ரஜினிகாந்தின் தர்பார் திரைப்படத்தில் ஒரு சிறு கதாபாத்திரம் நடித்து கலை உலகில் அறிமுகமான நடிகை சௌந்தர்யா நஞ்சுண்டான் தற்பொழுது பிக் பாஸ் வெற்றிக்கு நுழைந்து இருக்கிறார். தர்பார், திரௌபதி உள்ளிட்ட சில படங்களில் சிறுசிறு கதாபாத்திரங்கள் ஏற்று நடித்திருக்கிறார் அவர் என்பது குறிப்பிடத்தக்கது. ஆனால் தன்னுடைய கொஞ்சம் கரகரவென உள்ள குரல் காரணமாக பல இடங்களில் அவமானப்படுத்தப்பட்டுள்ள சௌந்தர்யா, அதை தாண்டி தனது வெற்றியை பதிவு செய்வேன் என்று உறுதி அளித்துள்ளார்.