Bigg Boss Tamil Season 8 : பிக் பாஸ் நிகழ்ச்சியில் கானா பாடகர் ஜெஃப்ரி இணைந்திருக்கிறார். பிரபல நடிகை சுனிதாவோடு இணைந்து டூயல் என்ட்ரி கொடுத்து அசத்தியுள்ளார் அவர்.
இதுவரை ஏழு சீசன்களாக தமிழ் மக்கள் மத்தியில் மிகப்பெரிய வரவேற்பை பெற்று வந்த ஒரு நிகழ்ச்சி தான் பிக் பாஸ். இந்திய அளவில் பல மொழிகளில் இந்த நிகழ்ச்சி நடந்து வருகிறது என்றாலும், தமிழ் மொழியில் மிகவும் பிரபலமான நிகழ்ச்சியாக இது மாறி இருக்கிறது. கடந்த ஏழு சீசன்களாக இந்த பிக் பாஸ் நிகழ்ச்சியை உலகநாயகன் கமல்ஹாசன் தான் தொகுத்து வழங்கி வந்தார் என்பது குறிப்பிடத்தக்கது.
காசுக்காக இங்க வரல; என் பிளானே வேற! விவசாயியாக பிக்பாஸில் எண்ட்ரி கொடுத்த ரஞ்சித்
இந்நிலையில் தன்னுடைய திரைப்பட பணிகள் அதிகமாக இருப்பதால் இந்த முறை பிக் பாஸ் நிகழ்ச்சியில் தன்னால் பங்கேற்க முடியாது என்றும், ஆனால் இதை தலைமையேற்று நடத்தும் நபருக்கு தன்னுடைய வாழ்த்துக்களை தெரிவிப்பதாகவும் உலகநாயகன் கமல்ஹாசன் அண்மையில் பேசியிருந்தார். இந்த சூழலில் தான் பிரபல நடிகர் விஜய் சேதுபதி இந்த நிகழ்ச்சியை தொகுத்து வழங்குவதாக தகவல்கள் வெளியானது. அது குறித்து வெளியான ப்ரோமோ மிகப்பெரிய அளவில் மக்கள் மத்தியில் பேசப்பட்டது.
இந்த நிலையில் இன்று அக்டோபர் மாதம் ஆறாம் தேதி பிக் பாஸ் நிகழ்ச்சியின் எட்டாவது சீசன் கோலாகலமாக தொடங்கி இருக்கிறது. ஆண்கள் வெர்சஸ் பெண்கள் என்று இரண்டு பிரிவுகளாக வீடு பிரிக்கப்பட்டு இந்த பிக் பாஸ் நிகழ்ச்சியின் எட்டாவது சீசன் பயணிக்கையுள்ள நிலையில், ஏற்கனவே பல போட்டியாளர்கள் இந்த நிகழ்ச்சியில் பங்கேற்று வருகின்றனர். இந்த சூழலில் இளம் பாடகர் கானா ஜெஃப்ரி தற்பொழுது பிக் பாஸ் வீட்டுக்குள் நுழைந்திருக்கிறார்.
இளம் வயதில் இருந்தே தன்னுடைய அன்னையின் அரவணைப்பில் பாடல்களை கற்று, பிறகு சமூக வலைதளங்கள் மூலம் பிரபலமான நபர் தான் கானா ஜெஃப்ரி. பாடல் வரிகளை கச்சிதமாக எழுதி, அதை கானா பாடல்கலாக பாடும் குணம் கொண்ட ஜெஃப்ரி. தன்னுடைய தாயின் நல்வாழ்க்கை மட்டுமே இந்த பிக் பாஸ் வீட்டிற்குள் நுழைவதாக கூறியிருக்கிறார். மக்கள் செல்வன் விஜய் சேதுபதியும் அவருக்கு தன்னுடைய வாழ்த்துக்களை கூறி அவரை அனுப்பி வைத்திருக்கிறார்.
சேனலை கிளிக் செய்து பின்தொடரவும்