Sunitha Gogoi Bigg Boss Tamil Season 8: குக் வித் கோமாளி நிகழ்ச்சி மூலம் பிரபலமான சுனிதா, பிக்பாஸ் தமிழ் சீசன் 8-ல் 7வது போட்டியாளராகக் கலந்து கொண்டுள்ளார். தனது டான்ஸ் திறமை, நகைச்சுவை உணர்வு மற்றும் தனித்துவமான பேச்சுத் திறன் மூலம் ரசிகர்களை கவர்ந்தார்.
விஜய் சேதுபதி தொகுத்து வழங்கி வரும் பிக்பாஸ் தமிழ் சீசன் 8 ரியாலிட்டி ஷோவில் குக் வித் கோமாளி மூலமாக பிரபலமான சுனிதா கொகோய் 7ஆவது போட்டியாளராக எண்ட்ரி கொடுத்தார். அசாம் மாநிலம் கவுஹாத்தியைச் சேர்ந்தவரான சுனிதா கொகோய் கடந்த 1991 ஆம் ஆண்டு செப்டம்பர் 11 ஆம் தேதி பிறந்தார். டான்ஸ் மீது அதிக ஆர்வம் கொண்ட சுனிதா டான்ஸராகவே தனது வாழ்க்கையை தொடங்கினார்.
டான்ஸ் நிகழ்ச்சிக்காக மும்பை சென்ற சுனிதா அதன் பிறகு சென்னை வந்து தனது திறமையை வெளிப்படுத்தியுள்ளார். தமிழே தெரியாமல் சென்னையில் வந்து கொஞ்சி பேசும் தமிழால் தன்னை தானே மெருகேற்றி தனக்கென்று ரசிகர்கள் பட்டாளங்களை உருவாக்கியுள்ளார். சுனிதா பேசும் தமிழுக்கு ஏராளமான ரசிகர்கள் உண்டு. அவர் பேசினாலே சிரிப்பலை தான். அதையே தனது பாசிட்டிவாக எடுத்து கொண்ட சுனிதா இந்த உளவிற்கு உயர்ந்துள்ளார்.
டான்ஸர் சுனிதா:
ஜோடி நம்பர் ஒன் நிகழ்ச்சியில் டான்ஸ் திறமையை வெளிப்படுத்தி பேமஸ் ஆனார். தமிழ் சினிமாவில் தனுஷ் நடித்த 3, இரவு, ராகவா லாரன்ஸ் நடித்த காஞ்சனா 3 மற்றும் மான் வேட்டை ஆகிய படங்களில் நடித்துள்ளார். இவ்வளவு ஏன் விஜய் டிவியில் சக்கைப்போடு போடும் ரியாலிட்டி ஷோவான குக் வித் கோமாளி நிகழ்ச்சியில் கோமாளியாக கலந்துகொண்டு மக்களை மகிழ்வித்து வருகிறார்.
பிக்பாஸ் தமிழ் சீசன் 8 – பிக்பாஸ் சுனிதா
இந்த நிலையில் தான் முதல் முறையாக விஜய் டிவியில் விஜய் சேதுபதி தொகுத்து வழங்கி வரும் பிக் பாஸ் தமிழ் சீசன் 8 என்ற ரியாலிட்டி ஷோவில் 7ஆவது போட்டியாளராக கலந்து கொண்டுள்ளார். இது குறித்து அவரது வீடியோவில் கூறியிருப்பதாவது:
“ஒரு டான்ஸ் ஷோவில் நடுவராக இருந்தேன். நான் பிக்பாஸ் சுனிதாவா எண்ட்ரி ஆக போகிறேன். உங்களது ஆதரவு எனக்கு வேணும். பிக்பாஸ் எப்போவுமே ஸ்பெஷல் தான். இப்போ அதையும் தாண்டி எனக்கு பிடிச்ச ஆங்கர் இருக்காரு. என்னுடைய இதயமே அவர் தான். பேமலி இருக்காங்க. என்னுடைய தங்கை ஆதரவாக இருக்காங்க. அவர் தான் நந்திதா.
சுனிதா டயலாக்:
கேம்ல நீங்க 100 அடிச்சாலும் அடுத்த கேமுல 0 லிருந்து தான் ஆரம்பிக்கணும். அந்த மாதிரி என்னுடைய வாழ்க்கையில் எல்லா ஸ்டேஜ்லயும் சேலஞ்ச் இருந்துச்சு. அதே மாதிரி அந்த சேலஞ்ச பிக்பாஸ் வீட்டுல ஹேப்பியா சந்திக்க போறேன் என்றார். மேலும், விஜய் சேதுபதியே சுனிதாவின் கருத்துக்கு பாராட்டு தெரிவித்தார். விளையாட்டில் 100 அடிச்சாலும் அடுத்த போட்டியில் 0ல இருந்து தான் ஆரம்பிக்கணும் என்று மறுபடியும் சொல்ல கேட்டார்.
சுனிதாவின் யோசிக்கும் திறமைக்கு பாராட்டு:
அதோடு, சுனிதாவின் யோசிக்கும் திறமையை பாராட்டினார். விஜய் சேதுபதியவே வெட்கப்பட வைத்தார். அவருக்காக கவிதையும் சொன்னார். காவ் (பசு மாடு) கொடுக்கும் பால் நீங்க தான் என் ஆளு. இஞ்சி பூண்டு பேஸ்ட் நீங்க தான் பெஸ்ட் என்றார். அதோடு தங்கமே உன்னதான் தேடி வந்தேன் நானே என்ற பாடலையும் விஜய் சேதுபதிக்காக பாடினார். சுனிதாவிடம் இல்லாத டேலண்டே இல்லை என்ற விஜய் சேதுபதி, இந்த நிகழ்ச்சியின் முக்கியமான ஒருவராக சுனிதா இருப்பார் என்றார்.