Bigg Boss Tamil Season 8 : பண்பலை தொகுப்பாளரும் நடிகையுமான VJ அனந்தி இப்பொது பிக் பாஸ் வீட்டிற்குள் 6வது போட்டியாளராக களமிறங்கியுள்ளார்.
இந்த முறை பிக் பாஸ் நிகழ்ச்சியில் போட்டியாளர்கள் வீட்டுக்குள் நுழைந்த உடனே ஆண்கள் வெர்சஸ் பெண்கள் என்று சரவெடி ஒன்றை கொளுத்தி போட்டு இருக்கிறார் பிக் பாஸ். அது முதல் நாளிலேயே நல்ல முறையில் வெடிக்க தொடங்கி இருக்கிறது என்றே கூறலாம். இதுவரை 5 போட்டியாளர்கள் பிக் பாஸ் வீட்டுக்குள் சென்றுள்ள நிலையில், ஆறாவது போட்டியாளராக பிரபல நடிகையும், பண்பலை தொகுப்பாளருமான ஆர்.ஜே ஆனந்தி பிக் பாஸ் வீட்டுக்குள் சென்றிருக்கிறார். பல கேள்விகளுக்கு விடைதெரிந்துகொள்ள தான் அவர் இந்த பிக் பாஸ் நிகழ்ச்சிக்குள் செல்வதாக அவர் கூறியிருக்கிறார்.
கோவையில் பிறந்து வளர்ந்த ஆனந்தி, சென்னைக்கு படிக்க வந்த துவக்கத்திலிருந்து பண்பலை தொகுப்பாளராக தனது பயணத்தை தொடங்கினார். பல ஆண்டுகள் பலருக்கும் பரிச்சயமான பண்பலை தொகுப்பாளினியாக பயணித்து வந்த ஆர்.ஜே ஆனந்தி இப்போது தனது youtube சேனல் மூலம் புத்தகங்களை ரிவ்யூ செய்யும் பணிகளை செய்து வருகிறார். இவர் சஜஸ்ட் செய்யும் புத்தகங்கள் பல மக்களால் பெரிய அளவில் விரும்பப்படுகிறது என்பதும் குறிப்பிடத்தக்கது.
அது மட்டுமில்லாமல் அவ்வப்போது திரைப்பட விமர்சகராகவும் பயணித்து வரும் ஆர்.ஜே ஆனந்தி ஒரு சில திரைப்படங்களிலும் நடித்திருக்கிறார். குறிப்பாக கடந்த 2019 ஆம் ஆண்டு பிரபல நடிகர் ஜெயம் ரவி நடிப்பில் வெளியான "கோமாளி" என்கின்ற திரைப்படத்தில் ஜெயம் ரவியின் தங்கையாக நடித்து அசத்தியிருந்தார். தொடர்ச்சியாக பிகில், தாராள பிரபு, நெற்றிக்கண் உள்ளிட்ட திரைப்படங்களிலும் அவர் நடித்திருந்தார்.
கடந்த 2023 ஆம் ஆண்டு வெளியான "தீரா காதல்" என்ற திரைப்படத்தில் நடித்த ஆர் ஜே ஆனந்தி இறுதியாக இந்த ஆண்டு தொடக்கத்தில் வெளியான "நண்பன் ஒருவன் வந்த பிறகு" என்ற திரைப்படத்தில் வித்யா என்ற கதாபாத்திரத்தில் நடித்திருந்தார். சின்னத்திரை ரியாலிட்டி ஷோ ஒன்றிலும் பங்கேற்றுள்ள அவர், இப்போது பிக் பாஸ் நிகழ்ச்சியின் எட்டாவது சீசனில் போட்டியாளராக பங்கேற்றிருக்கிறார்.
உங்க ஷோவில் எனக்கு சான்ஸ் கிடைக்கல! விஜய் சேதுபதி சொன்ன சீக்ரெட்; ஷாக் ஆன தீபக்