விஜய் டிவி சீரியலில் ராதிகாவுக்கு ஜோடியாக விஜயின் தந்தை எஸ்.ஏ.சி? இது தான் டைட்டிலா..!

விஜய் டிவி சீரியலில் ராதிகா நடிக்க உள்ள தொடரில், இவருக்கு ஜோடியாக எஸ்.ஏ.சி நடிக்க வாய்ப்புள்ளதாக ஒரு தகவல் வெளியாகியுள்ளது   

தமிழ் சினிமாவில் விஜயகாந்த், சரத்குமார், ரஜினிகாந்த் என பல முன்னணி நடிகர்களை வைத்து படம் இயக்கியுள்ள எஸ்.ஏ.சி, சமீப காலமாக பல்வேறு படங்களில் வலுவான துணை கதாபாத்திரத்தில் நடித்து வருகிறார். ட்ராபிக் ராமசாமி அவர்களின் வாழ்க்கை படத்திலும் நடித்து அசதி இருந்தார்.

இவர் தற்போது முதல் முறையாக தொலைக்காட்சி தொடர் ஒன்றில் நடிக்க உள்ளதாகவும், இந்த தொடரை ராதிகாவின் ராடான் நிறுவனம் தயாரிப்பதோடு, இதில் நடிகை ராதிகாவும் முக்கிய வேடத்தில் நடிக்க உள்ளதாக கூறப்படுகிறது. ராதிகா ஏற்கனவே எஸ் எஸ் சி இயக்கி உள்ள, சில படங்களில் நடித்துள்ள நிலையில்...  இந்த சீரியலில் எஸ்.ஏ.சிக்கு ஜோடியாக நடித்த வாய்ப்புள்ளதாக பரபரப்பு தகவல்கள் வெளியாகி உள்ளது.

மேலும் இந்த சீரியலில் 'பூவே பூச்சூடவா' சீரியல் மூலம் பிரபலமான ரேஷ்மா மற்றும் 'ஒரு ஊருல ஒரு ராஜகுமாரி' தொடரில் நாயகியாக நடித்து வந்த அஸ்வினி ஆகியோர் முக்கிய கதாபாத்திரத்தில் நடிக்க உள்ளனர்.

இந்த சீரியலுக்கு 'கிழக்கு வாசல்' என்று டைட்டில் வைக்கப்பட்டுள்ள நிலையில், விரைவில் இந்த சீரியல் குறித்த அடுத்தடுத்து தகவல்கள் வெளியாக வாய்ப்புள்ளதாக எதிர்பார்க்கப்படுகிறது.

ஏற்கனவே நடிகை ராதிகா சன் டிவியில் ஒளிபரப்பாகி சூப்பர் ஹிட் வெற்றி பெற்ற சித்தி, அண்ணாமலை, சித்தி 2, வாணி ராணி, போன்ற பல சீரியல்களில் நடித்துள்ளார். அதே நேரம் தற்போது விஜய் டிவியில் இவர் நடிக்க உள்ள சீரியல் குறித்த தகவல் வெளியாகியுள்ளதால் இந்த சீரியல் மீதான எதிர்பார்ப்பு அதிகரித்துள்ளது.