'பாண்டியன் ஸ்டோர்' சீரியலில் சித்ரா மறைவுக்கு பின்னர் புதிய முல்லையாக நடித்து வரும் காவியா, தற்போது படித்து பட்டம் பெற்றுள்ள புகைப்படங்களை வெளியிட இவருக்கு ரசிகர்கள், மற்றும் பிரபலங்கள் தொடர்ந்து தங்களின் வாழ்த்துக்களை தெரிவித்து வருகிறார்கள்.
பாண்டியன் ஸ்டார் சீரியலில், இன்று முன்னணி கதாபாத்திரத்தில் நடித்து வரும் காவியா முதல் முதலில் 'பாரதி கண்ணம்மா' சீரியலில் தான்அறிமுகமானார். இவரது கதாபாத்திரத்திலுக்கு முக்கியத்துவம் இல்லாமல் இருந்தாலும், இவரது துறுதுறு நடிப்பும், அழகும் ரசிகர்களை அதிகம் கவர்ந்தது.
பின்னர் யாரும் எதிர்பாராத விதமாக, 'பாண்டியன் ஸ்டோர்' சீரியலில் முக்கிய கதாபாத்திரத்தில் நடித்து வந்த சித்ரா திடீர் என தற்கொலை செய்து கொண்டு இறந்த பின்னர், யார்... முல்லை கதாபாத்திரத்தில் நடிப்பார் என மிகப்பெரிய கேள்வி எழுந்தது. பல நடிகைகள் பெயர் இந்த லிஸ்டில் விவாதிக்கப்பட்ட பின்னர், திடீர் என, காவியா இந்த சீரியலில் முல்லையாக என்ட்ரி கொடுத்தார்.
மேலும் செய்திகள்: திருமணத்திற்கு பின் பிரபலங்களுக்கு மத்தியில்.. விக்கிக்கு பிரமாண்டமாக பர்த்டே கொண்டாடிய நயன்தாரா.! போட்டோஸ்!
ஆரம்பத்தில் இவரை முல்லையாக ஏற்றுக்கொள்ள முடியவில்லை என சில ரசிகர்கள் கூறிய நிலையில், பின்னர் இவரது நடிப்பு வெகுவாக ரசிகர்களை கவர்ந்தது. தற்போது 'பாண்டியன் ஸ்டோர்' சீரியலில் முல்லையாக நடித்து வருவது மட்டும் இன்றி, வெள்ளித்திரையிலும் ஹீரோயினாக அறிமுகமாகியுள்ளார். அந்த வகையில், லிப்ட் படத்தின் வெற்றியை தொடர்ந்து, பிக்பாஸ் கவின் நயன்தாரா - விக்னேஷ் சிவன் தயாரிப்பில் 'ஊர் குருவி'. என்ற படத்தில் நடிக்கிறார்.
இந்த படத்தில் தான் காவியா, கவினுக்கு ஜோடியாக நடிக்க உள்ளதாக தகவல் வெளியானது. திரைப்பட வாய்ப்புகள் அடுத்தடுத்து வருவதால், சீரியலில் இருந்தும் இவர் விலக முடிவு செய்துள்ளதாக கூறப்பட்ட நிலையில், தொடர்ந்து முல்லையாக இவர் நடித்து வருகிறார். மேலும் அவ்வப்போது சமூக வலைத்தளத்தில் தன்னுடைய கியூட் புகைப்படங்களை வெளியிட்டு ரசிகர்கள் மனதை கவர்ந்துள்ளார்.
மேலும் செய்திகள்: முடிவுக்கு வரப்போகிறதா பாரதி கண்ணம்மா...? யாரும் எதிர்பாராத தருணம்..! வெளியான பரபரப்பு புரோமோ!
அந்த வகையில், தற்போது இவர் தான் படித்து பட்டம் பெற்ற புகைப்படத்தை சமூக வலைத்தளத்தில் வெளியிட்டுள்ளார். அதில், கட்டிடக்கலை நிபுணராக வேண்டும் என்ற சிறிய எண்ணம், இறுதியாக நிறைவடைத்துவிட்டது. இந்த பயணத்தில் எனக்கு ஆதரவளித்த அனைவருக்கும் நன்றி என தெரிவித்துள்ளார். இந்த புகைப்படத்தை அவர் வெளியிட வாணி போஜன், ஃபரீனா போன்ற பிரபலங்களும், இவரது ரசிகர்களும் தங்களுடைய வாழ்த்துக்களை தெரிவித்து வருகிறார்கள்.