பிக் பாஸ்; மீண்டும் "ஆண்டவர்" வரணும்; கோஷம் எழுப்பும் ரசிகர்கள் - விஜய் சேதுபதி மீது அதிருப்தியா?

Bigg Boss Tamil Season 8 : இதுவரை 7 சீசன்களாக உலக நாயகன் கமல் இயக்கி வந்த பிக் பாஸ் நிகழ்ச்சியை இப்பொது விஜய் சேதுபதி இயக்கி வருகிறார்.

Kamal Vs Vijaysethupathi

சின்னத்திரை நிகழ்ச்சிகளை பொறுத்த வரை கடந்த 7 ஆண்டுகளுக்கும் மேலாக மக்களின் மிகப்பெரிய ஆதரவுடன் நடந்து வரும் நிகழ்ச்சி தான் பிக் பாஸ். இதுவரை 7 ஆண்டுகளாக ஏழு சீசன்களாக இந்த பிக் பாஸ் நிகழ்ச்சியை உலகநாயகன் கமல்ஹாசன் தொகுத்து வழங்கி வந்த நிலையில், அவருக்கு இருக்கும் பணி சுமையின் காரணமாக இந்த முறை பிக் பாஸ் நிகழ்ச்சியை மக்கள் செல்வன் விஜய் சேதுபதி தொகுத்து வழங்கி வருகிறார். ஆரம்பத்தில் விஜய் சேதுபதி மிகச்சிறந்த தொகுப்பாளராக பயணித்து வந்ததாக அவருடைய ரசிகர்கள் பெரிய அளவில் அவரை கொண்டாடினர். போட்டியாளர்கள் செய்யும் செயல்களுக்கு முகத்திற்கு நேரே நச்சென்று அவர் பதில் சொல்லும் விதம், பலரையும் வெகுவாக கவர்ந்தது என்றே கூறலாம்.

vijay sethupathi

பிக் பாஸ் நிகழ்ச்சி 9 ஆண்கள் மற்றும் 9 பெண்களோடு கடந்த அக்டோபர் மாதம் ஆறாம் தேதி துவங்கியது. இந்த நிலையில் முதல் நாளிலேயே நடிகை சாச்சனா வீட்டை விட்டு வெளியேறி, அதன் பிறகு ரகசிய கதவின் வழியே உள்ளே நுழைந்தார். மேலும் முதலாவது நாளில் ரவீந்தர் எலிமினேட் ஆக, 14-வது நாளில் அர்னவ், 21 வது நாளில் தர்ஷிகா மற்றும் 35வது நாளில் சுனிதா என்று இதுவரை நான்கு வாரங்களில் நான்கு போட்டியாளர்கள் இந்த நிகழ்ச்சியில் இருந்து வெளியேற்றப்பட்டு இருக்கின்றனர். இப்போது வீட்டுக்குள் 14 போட்டியாளர்கள் இருக்கும் நிலையில் புதிதாக 6 போட்டியாளர்கள் வைல்ட் கார்டு என்ட்ரியில் கடந்த வாரம் பிக் பாஸ் வீட்டுக்குள் நுழைந்தது குறிப்பிடத்தக்கது.

bigg boss season 8 tamil

இந்த நான்கு வாரங்களும் நடுவராக அசத்தி வந்த விஜய் சேதுபதி மிகச்சிறந்த முறையில் செயல்பட்டு வந்ததாக கூறி வந்த ரசிகர்கள், கடந்த சில எபிசோடுகளாக ஒரு தலைப்பட்சமாக விஜய் சேதுபதி செயல்பட்டு வருவதாகவும், தனக்கு வேண்டியவர்களுக்கு நல்ல கமெண்ட்களையும், பிடிக்காதவர்களை வசைபாடியும் பேசி வருவதாக கூறுகின்றனர். மேலும் விஜய் சேதுபதி ஒரு நடுநிலையான மனிதராக இல்லாமல் இருப்பதாகவும் கூறி வருகின்றனர். ட்விட்டர் பக்கத்தில் கமலஹாசன் மீண்டும் பிக் பாஸ் நிகழ்ச்சிக்கு வர வேண்டும் என்கின்ற ஹேஷ்டேக்குகளும் அதிகரித்து வருவது குறிப்பிடத்தக்கது. ஆரம்ப காலகட்டத்தில் மக்கள் செல்வன் விஜய் சேதுபதிக்கு மிகப்பெரிய வரவேற்பு இருந்த நிலையில், இப்போது அது படிப்படியாக குறைந்து வருவதாக நெட்டிசன்கள் கருத்து கூறி வருகின்றனர்.

Kamal

பிக் பாஸ் நிகழ்ச்சியை பொறுத்தவரை இந்த முறை அதிக அளவிலான போட்டியாளர்கள் வீட்டிற்குள் இருந்தாலும் கொஞ்சம் சுவாரஸ்யத்திற்கு பஞ்சமாகத்தான் இருக்கிறது என்று கூறி வருகின்றனர் ரசிகர்கள். அதே நேரம் மக்கள் செல்வன் விஜய் சேதுபதிக்கு எதிராகவும் இப்பொது ரசிகர்கள் களமிறங்கியுள்ளது குறிப்பிடத்தக்கது.