Kavya Maran Wedding: காவ்யா மாறன் கல்யாணம்! ரகசியம் உடைத்த நடிகர்! அப்ப மாப்பிள்ளை அவர் தானா?

Kavya Maran Wedding: சன்ரைசர்ஸ் ஹைதராபாத் அணியின் உரிமையாளர் காவ்யா மாறன் திருமணம் பற்றி பல செய்திகள் பரவி வருகின்றன.  நடிகர் ஒய்.ஜி.மகேந்திரன் ஒரு பேட்டியில் காவ்யா மாறன் திருமணம் குறித்து ஒரு ரகசியத்தை உடைத்துள்ளார்.

காவ்யா மாறன் கல்யாணம்

சன்ரைசர்ஸ் ஹைதராபாத் அணியின் உரிமையாளரும், சன் நெட்வொர்க் நிறுவனர் கலாநிதி மாறன் மகளான காவ்யா மாறனும், இசையமைப்பாளர் அனிருத்தும் காதலிப்பதாக நீண்ட நாட்களாக கிசுகிசுக்கப்படுகிறது. விரைவில் திருமணம் என்றும் கூறப்பட்டது. ஆனால், இருவர் தரப்பிலும் யாரும் இதை உறுதிப்படுத்தவில்லை. இந்நிலையில், நடிகர் ஒய்.ஜி.மகேந்திரன் இந்த ரகசியத்தை வெளிப்படுத்தியுள்ளார்.

காவ்யாவுக்கும், அனிருத்துக்கும் கல்யாணமா?

அதாவது சமீபத்தில், அனிருத்தின் உறவினரும் நடிகருமான ஒய்.ஜி.மகேந்திரன் ஒரு தனியார் தொலைக்காட்சி பேட்டியில் பேசினார். அப்போது, 'அனிருத் ஒரு நல்ல பையன், சின்ன வயதிலிருந்தே எனக்குத் தெரியும். அவனுக்குத் திருமணம் நடக்கப் போவதாக எனக்கும் தகவல் கிடைத்தது' என்று கூறியுள்ளார். பெயரைக் குறிப்பிடாமல், 'அனிருத் திருமணம் செய்யப்போகும் பெண் சாதாரணமானவர் அல்ல. அவர் ஒரு பெரிய விளையாட்டு அணியை வெற்றிகரமாக நிர்வகித்து வருகிறார். குடும்பத் தொழிலில் முக்கியப் பொறுப்பில் இருக்கிறார்' என ஒய்.ஜி. மகேந்திரன் கூறியுள்ளார். இது காவ்யா மாறனைத்தான் குறிக்கிறது என பலரும் கருதுகின்றனர்.

இதுவரை இருவரும் விளக்கம் அளிக்கவில்லை

சன் டிவி நெட்வொர்க்கின் முக்கிய நிர்வாகியான காவ்யா மாறனின் திருமணம் மற்றும் காதல் உறவு பற்றி பலமுறை செய்திகள் வந்துள்ளன. ஆனால், காவ்யா மாறனோ, அனிருத்தோ இதுவரை எந்த விளக்கமும் அளிக்கவில்லை. தற்போது அனிருத்தின் உறவினரே இந்தத் தகவலைக் கூறியிருப்பது, எதிர்பார்ப்பை அதிகரித்துள்ளது.

இந்த ஆண்டு ஐபிஎல் தொடரில், காவ்யா மாறனின் சன்ரைசர்ஸ் ஹைதராபாத் அணி ப்ளேஆஃப் வரை முன்னேறியது. ஆனால், ப்ளேஆஃப் சுற்றில் தோல்வியடைந்து வெளியேறியது. தொடர் முழுவதும் அணியுடன் இருந்து, வீரர்களை உற்சாகப்படுத்தி, அணியை சிறப்பாக நிர்வகித்தவர் காவ்யா மாறன் என்பது குறிப்பிடத்தக்கது.