இயக்குனர் அட்லீயின் மனைவி பிரியா, தன்னுடைய வாழ்க்கையில் மறக்க முடியாத தருணங்களின் புகைப்படத்தை பதிவிட்டு, அந்த நாளை சிறப்பாக மாற்றிய ஒவ்வொருவருக்கும் நன்றி தெரிவித்துள்ளார். மேலும் இவர் வெளியிட்டுள்ள புகைப்படங்களும் வைரலாகி வருகிறது.
தமிழ் சினிமாவில் முன்னணி இளம் இயக்குனராக உள்ளவர் அட்லீ. இவர் நடிகர் ஆர்யா, நயன்தாரா, ஜெய், மற்றும் நஸ்ரியாவை வைத்து இயக்கிய 'ராஜா ராணி' திரைப்படம் மிகப்பெரிய வெற்றி பெற்றது, மட்டுமின்றி அட்லீக்கு சிறந்த அறிமுக படமாகும் அமைந்தது. முதல் படத்திலேயே சில காப்பி பிரச்சனையில் சிக்கினாலும், கமர்ஷியல் ஹிட் கொடுத்த அட்லீ அடுத்தடுத்து விஜய்யை வைத்து, தொடர்ந்து மூன்று படங்களை இயக்கும் வாய்ப்பை பெற்றார்.
அந்த வகையில் தெறி,மெர்சல் மற்றும் பிகில் ஆகிய மூன்று படங்களும் ரசிகர்கள் மத்தியில் நல்ல வரவேற்பை பெற்றது மட்டுமின்றி, வசூலிலும் சக்க போடு போட்டது.
தற்போது கோலிவுட் திரையுலகத்தை தொடர்ந்து, பாலிவுட்டிலும் கால் பதித்துள்ள அட்லீ, நடிகர் ஷாருக்கானை வைத்து 'ஜவான்' என்கிற படத்தை இயக்கி வருகிறார். இந்த படத்தில் ஷாருக்கானுக்கு ஜோடியாக நடிகை நயன்தாரா பாலிவுட்டில் அறிமுகமாகிறார். மேலும் இப்படத்தில் மக்கள் செல்வன் விஜய் சேதுபதி வில்லனாக நடித்த வருகிறார். அதேபோல் இப்படத்திற்கு அனிருத் இசையமைக்கிறார் என்பது குறிப்பிடத்தக்கது.
இயக்குனர் அட்லீ தன்னுடைய நீண்ட நாள் காதலியான பிரியாவை கடந்த 2014 ஆம் ஆண்டு திருமணம் செய்து கொண்ட நிலையில், பிரியா 8 வருடங்கள் கழித்து தற்போது கர்ப்பமாகி உள்ளார்.
சமீபத்தில் பிரியாவின் வளைகாப்பு நிகழ்ச்சி மிக பிரம்மாண்டமாக நடந்தது. இதில் நடிகர் விஜய் கலந்து கொண்டு பிரியா மற்றும் அட்லீக்கு தன்னுடைய வாழ்த்துக்களை தெரிவித்தார். மேலும் பல பிரபலங்கள் மற்றும் குடும்ப நண்பர்கள் இந்த விழாவில் கலந்து கொண்டு சிறப்பித்தனர்.
தற்போது இது குறித்த புகைப்படங்களை சமூக வலைதளத்தில் வெளியிட்டுள்ளார் பிரியா வாழ்க்கையில் மறக்க முடியாத நாள். இந்த நாளை எங்களுக்கு மிகவும் சிறப்பானதாக மாற்றிய ஒவ்வொருவருக்கும் நன்றி என தெரிவித்துள்ளார். மேலும் இந்த புகைப்படங்கள் வைரலாக பார்ப்பட்டு ரசிகர்களின் வாழ்த்துக்களை குவித்து வருகிறது.
சேனலை கிளிக் செய்து பின்தொடரவும்