முதல்வன் படத்தின் திருப்புமுனை காட்சி; ஷூட்டிங் முடிந்ததும் அர்ஜுனை நெகிழ வைத்த ரகுவரன்!

முதல்வன் படத்தில் அர்ஜுன் மற்றும் ரகுவரன் இடையேயான நேர்காணல் காட்சி மிகவும் பிரபலம். இந்த காட்சியில் அர்ஜுனின் நடிப்பை ரகுவரன் பாராட்டியுள்ளார். சக நடிகரின் பாராட்டு அர்ஜுனுக்கு மகிழ்ச்சியை ஏற்படுத்தியது.

Mudhalvan Movie

பிரம்மாண்ட இயக்குனர் ஷங்கர் இயக்கத்தில் அர்ஜுன் நடிப்பில் வெளியான படம் முதல்வன். அர்ஜுன், மனிஷா கொய்ராலா, ரகுவரன், மணிவண்ணன், வடிவேலு உள்ளிட்ட பலர் இந்த படத்தில் நடித்திருந்தனர். 1999-ம் ஆண்டு தீபாவளி பண்டிகைக்கு ரிலீஸான இந்த படம் விமர்சன ரீதியாகவும் வசூல் ரீதியாகவும் நல்ல வரவேற்பை பெற்று மிகப்பெரிய பிளாக்பஸ்டர் படமாக அமைந்தது. 

Mudhalvan Movie

இன்று இந்த படத்தை டிவியில் போட்டால் கூட சலிக்காமல் பார்க்கும் பலர் உள்ளனர். அந்தளவுக்கு ரசிகர்களை கட்டிப்போட்ட படம் முதல்வன், இந்த படத்தின் ஐகானிக் டயலாக் இன்றும் மீம்ஸ்களாக வலம் வருகின்றன. முதல்வன் படத்தில் திருப்புமுனையை ஏற்படுத்திய காட்சி என்றால் அது அர்ஜுன் – ரகுவரன் நேர்காணல் காட்சி தான்.

Mudhalvan Movie

இந்த காட்சியை படமாக்கிய போது, இயக்குனர் ஷங்கர் அர்ஜுனிடம் உங்கள் முக பாவனைகள் நொடிக்கு நொடி மாற வேண்டும், முகம் பதட்டமாக இருக்க வேண்டும் என்று கூறியுள்ளார். அதன்படியே அர்ஜுன் நடித்துள்ளார். ரகுவரனை பற்றி சொல்லவா வேண்டும்? அவரும் இந்த சீனில் மிரட்டி இருப்பார். இருவரும் போட்டி போட்டு சிறப்பாக நடித்து முடித்தார்களாம்.

Mudhalvan Movie

பொதுவாக ஷூட்டிங் முடிந்ததும் ரகுவரன் அர்ஜுனுக்கு அன்றைய தினம் இரவே போன் போட்டு பேசினாராம். அப்போது “ காலையில் இருந்தே உங்களிடம் இதை சொல்லவேண்டும் என்று நினைத்தேன்.

Mudhalvan Movie

நாம் நடித்த அந்த இண்டர்வியூ காட்சியில் உங்கள் முக பாவனைகள் ரொம்ப அருமையாக இருந்தது” என்று பாராட்டி உள்ளார். சக நடிகரின் நடிப்பை ஒரு நடிகர் பாராட்டியது அர்ஜுனுக்கு மகிழ்ச்சியை ஏற்படுத்தியதாம். .