நியூயார்க் நகரில் அமைந்துள்ள செம்மா உணவகம், 2025ஆம் ஆண்டுக்கான நியூயார்க் நகரத்தின் நம்பர் 1 உணவகம் என்ற உயரிய விருதை வென்றுள்ளது. நியூயார்க் டைம்ஸ் இந்த விருதை அறிவித்துள்ளது, இது தென்னிந்திய உணவு வகைகளுக்கு கிடைத்த அங்கீகாரமாகக் கருதப்படுகிறது.
அமெரிக்காவின் நியூயார்க் நகரில் அமைந்துள்ள 'செம்ம' (Semma) என்ற புகழ்பெற்ற தென்னிந்திய உணவகம் 2025ஆம் ஆண்டுக்கான "நியூயார்க் நகரத்தின் நம்பர் 1 உணவகம்" என்ற உயரிய விருதை வென்று வரலாற்றுச் சாதனை படைத்துள்ளது. தமிழ்நாட்டைச் சேர்ந்த செஃப் விஜயகுமார் தலைமையில் இந்த சாதனையை நிகழ்த்தியுள்ளது.
பிரபல நியூயார்க் டைம்ஸ் பத்திரிக்கை இந்த விருதை அறிவித்துள்ளது. இது இந்திய உணவு வகைகளுக்கும், குறிப்பாக தென்னிந்திய சமையலுக்கும் கிடைத்த மிகப்பெரிய அங்கீகாரமாகக் கருதப்படுகிறது.
நியூயார்க் டைம்ஸ் வெளியிட்ட "நியூயார்க்கின் 100 சிறந்த உணவகங்கள்" (100 Best Restaurants in New York) பட்டியலில், 'செம்ம' முதலிடத்தைப் பிடித்துள்ளது. இது 'செம்ம' உணவகத்திற்கு மட்டுமல்லாமல், அமெரிக்காவில் பொதுவாகக் குறைவாக அறியப்படும் தென்னிந்திய உணவு வகைகளுக்கும் கிடைத்த ஒரு திருப்புமுனையாகப் பார்க்கப்படுகிறது.
Related Articles
புதிய தரவரிசை
புதிய தரவரிசை முறை, புதிய வெற்றியாளர் 2025ஆம் ஆண்டுக்கான தரவரிசை முறையை நியூயார்க் டைம்ஸ் மாற்றியமைத்தது. வழக்கமாக 100 உணவகங்களுக்கும் வரிசை எண் வழங்கப்படும் நிலையில், இந்த ஆண்டு முதல் 10 உணவகங்களுக்கு மட்டுமே எண் வரிசை வழங்கப்பட்டது. இதில் 'செம்ம' முதல் இடத்தைப் பிடித்து அசத்தியது. இதற்கு முன்னதாக, 2024 ஆம் ஆண்டில் 'செம்ம' 7வது இடத்தைப் பிடித்திருந்தது குறிப்பிடத்தக்கது.
'செம்ம'வைத் தொடர்ந்து, அட்டோமிக்ஸ் (Atomix), லெ பெர்னார்டின் (Le Bernardin), கபாப் (Kabab) உள்ளிட்ட பிற உணவகங்களும் இந்த ஆண்டு தரவரிசையில் இடம்பிடித்துள்ளன.
தென்னிந்திய சுவைகளின் சங்கமம் செஃப் விஜய் குமார் (Chef Vijay Kumar) தலைமையிலான 'செம்ம', தமிழ்நாட்டைச் சேர்ந்த செஃப் விஜய் குமாரின் தனிப்பட்ட மற்றும் பாரம்பரிய சமையல் பாணியை வெளிப்படுத்துகிறது. தேங்காய், கறிவேப்பிலை, காய்ந்த மிளகாய் போன்ற அத்தியாவசிய தென்னிந்தியப் பொருட்களைப் பயன்படுத்தி, உண்மையான சுவையுடன் கூடிய உணவு வகைகளை 'செம்ம' வழங்குகிறது.
ஒரே இந்திய உணவகம்
இங்கு தயாரிக்கப்படும் தோசை மிகவும் பிரபலமானது. சரியாக புளிக்கவைக்கப்பட்டு, நெய்யில் மொறுமொறுப்பாகச் சுடப்பட்டு, காரசாரமான பொடியுடன் பரிமாறப்படும் இந்த தோசையை, பல உணவுப் பிரியர்கள் "நியூயார்க்கின் சிறந்த தோசை" என்று பாராட்டியுள்ளனர்.
நியூயார்க்கில் மிச்செலின் நட்சத்திரம் (Michelin star) பெற்ற ஒரே இந்திய உணவகம் 'செம்ம' மட்டுமே. கடந்த மூன்று ஆண்டுகளாக இந்த கவுரவத்தைப் பெற்றுள்ளது. நியூயார்க்கின் பல உயர்தர உணவகங்களுக்கு மத்தியில், 'செம்ம' தனது சமையல் தனித்துவத்தாலும், கலாச்சாரப் பிரதிநிதித்துவத்தாலும் தனித்து நிற்கிறது.
நியூயார்க்கின் கிரீன்விச் கிராமத்தில் அமைந்துள்ள 'செம்ம', "Unapologetic Foods" குழுமத்தின் ஒரு பகுதியாகும். இது இந்தியாவின் உணவு வகைகளை தூய்மையுடன் வழங்குவதில் பெயர் பெற்றுள்ளது.