- Home
- உலகம்
- Viral : வாக்குவாதம் செய்யத் தயக்கமா? உங்களுக்காக சண்டை போட ஆள் இருக்கு! கட்டணம் ரூ.2,600!
Viral : வாக்குவாதம் செய்யத் தயக்கமா? உங்களுக்காக சண்டை போட ஆள் இருக்கு! கட்டணம் ரூ.2,600!
Viral : சீனாவில் மற்றவர்களிடம் வாக்குவாதம் செய்யத் தயங்குபவர்களுக்காகப் பேச ஒருவர் கட்டணம் வசூலிக்கிறார். 188 யுவான் கட்டணத்தில் அவர் வழங்கும் வித்தியாசமான சேவை என்ன?
உங்களுக்காக வாக்குவாதம் செய்ய ஒருவர்!
மற்றவர்களிடம் நியாயம் கேட்க வேண்டும்; ஆனால் நேருக்கு நேர் பேசத் தயக்கமாக இருக்கிறதா? இந்தத் தயக்கத்தையே வித்தியாசமான தொழிலாக மாற்றியிருக்கிறார் சீனாவைச் சேர்ந்த ஒருவர். குவாங்சோ நகரில், வாடிக்கையாளர்களுக்குப் பதிலாக அவர்களின் பிரச்சினைகள் குறித்து மற்றவர்களிடம் வாக்குவாதம் செய்து பேசும் சேவையை அவர் வழங்கி வருகிறார். இதற்காக 188 சீன யுவான், அதாவது இந்திய மதிப்பில் சுமார் ரூ.2,600 முதல் ரூ.2,700 வரை கட்டணம் வசூலிப்பதாகத் தகவல்கள் தெரிவிக்கின்றன. இந்த வித்தியாசமான சேவை தொடர்பான வீடியோ சமூக வலைதளங்களில் கவனம் பெற்றுள்ளது.
இதையும் படிங்க : Kitchen Tips : புதுப் பாத்திரத்தில் ஸ்டிக்கரை நீக்கியும் பிசுபிசுப்பா இருக்கா? இந்த 5 எளிய வழிகளை முயற்சி பண்ணுங்க!
ரூ.2,600 கட்டணத்தில் என்ன கிடைக்கும்?
இந்தச் சேவையின் சிறப்பு, வாடிக்கையாளர்கள் தங்களுக்குப் பதிலாக மற்றொருவரைப் பிரச்சினையை எதிர்கொள்ளச் செய்யலாம் என்பதுதான். அவர் 188 யுவான் கட்டணம் வசூலிப்பதாகவும், வாடிக்கையாளரின் பிரச்சினை குறித்து வாதிடுவதற்கு நேர வரம்பு இல்லை என்றும் தகவல்கள் தெரிவிக்கின்றன. ஆனால், இந்தக் கட்டணத்தில் எல்லா பிரச்சினைகளும் தீர்க்கப்படும் என்றோ, வாடிக்கையாளருக்குச் சாதகமான முடிவு கிடைக்கும் என்றோ உறுதியளிக்க முடியாது. இது புகார் அல்லது கோரிக்கையை மற்றவர்களிடம் முன்வைக்க உதவும் சேவை மட்டுமே.
இதையும் படிங்க : சென்னையிலிருந்து 8 மணி நேர பயணத்தில் இப்படியொரு இடமா? பூமிக்கு அடியில் 150 அடி ஆழத்தில் ஒளிந்திருக்கும் அதிசயம்!
சம்பளம், டியூஷன் கட்டணம், பணத்தைத் திரும்பப் பெறுவது!
இந்த நபர் கையாளும் பிரச்சினைகளில் சம்பளம் வழங்காத முதலாளியிடம் நியாயம் கேட்பதும் ஒன்று. டியூஷனில் ஆசிரியர் மாறியதால் கற்பித்தலின் தரம் குறைந்துவிட்டால், கட்டணத்தைத் திரும்பக் கேட்பது அல்லது வகுப்பை ரத்து செய்வது தொடர்பாகவும் அவர் பேச உதவுவதாகத் தெரிவித்துள்ளார். எதிர்பார்த்த முடிவு கிடைக்காத ஒப்பனை அறுவைச் சிகிச்சை தொடர்பான புகார்களிலும் பணத்தைத் திரும்பக் கேட்க உதவுவதாகத் தகவல்கள் கூறுகின்றன. இருப்பினும், அவர் பேசுவதால் பணம் திரும்பக் கிடைக்கும் என்பதற்கு உத்தரவாதம் இல்லை.
இதையும் படிங்க : Top 7 SUV Cars : 29 கி.மீ மைலேஜ் முதல் 100 கி.மீ வேகத்தை 9 நொடிகளில் எட்டும் திறன் வரை... டாப் 7 SUV கார்கள்!
சண்டை என்றால் அடிதடி கிடையாது!
மற்றவர்களுக்காக வாதிடுவது என்பது அடிதடியில் ஈடுபடுவதோ, தரக்குறைவான வார்த்தைகளைப் பயன்படுத்துவதோ அல்ல என்று அவர் கூறியுள்ளார். உடல் ரீதியான மோதலில் ஈடுபட்டால் காவல்துறை நடவடிக்கை எடுக்கலாம் என்பதையும் சுட்டிக்காட்டியுள்ளார். மற்றவர்களிடம் நியாயம் கேட்பதற்குத் தயங்குபவர்கள், அதற்காகக் கட்டணம் கொடுத்து இன்னொருவரின் உதவியைப் பெறலாம் என்ற யோசனையே பலரது கவனத்தை ஈர்த்துள்ளது. ஒரு சாதாரண புகார் அல்லது வாக்குவாதத்தையே கட்டணச் சேவையாக மாற்றியிருப்பதுதான் இந்தச் சம்பவத்தின் தனிச்சிறப்பு.
இதையும் படிங்க : Hospital Bill : கட்டணங்களை வெளியிடப் போகும் மருத்துவமனைகள்? இனி சிகிச்சைக்கு முன்பே தெரிஞ்சுக்கலாமா?
