புவி வெப்பத்தைக் குறைக்க விஞ்ஞானிகள் கண்டுபிடித்த புதிய ஐடியா!

வளிமண்டல நீராவியைக் குறைப்பதன் மூலம் வெப்பமயமாதல் கிரகத்தை குளிர்விக்க விஞ்ஞானிகள் புதிய ஹேக்கைக் கொண்டு வருகிறார்கள். பூமியின் பசுமை இல்ல விளைவில் நீர் ஆவியாதல் ஒரு முக்கியப் பங்கு வகிக்கிறது. இது நமது கிரகத்தின் வெப்பமயமாதலை தீவிரப்படுத்தும் ஒரு முக்கியமானக் காரணியாகச் செயல்படுகிறது.

பசுமை இல்ல வாயுக்கள் இல்லாவிட்டால் பூமியின் மேற்பரப்பு வெப்பநிலை சுமார் 59 டிகிரி பாரன்ஹீட் (33 டிகிரி செல்சியஸ்) குளிராக இருக்கும் என்று நாசா கூறுகிறது. பசுமை இல்ல விளைவு என்பது ஒரு இயற்கையான செயல்முறையாகும். இது பூமியின் வெப்பநிலையை வாழக்கூடிய வரம்பிற்குள் பராமரிக்க உதவுகிறது.

ஆனால் சமீபத்திய ஆண்டுகளில், புதைபடிவ எரிபொருட்களை எரித்தல் மற்றும் காடழிப்பு போன்ற மனித நடவடிக்கைகளால் மேற்பரப்பு வெப்பநிலை அதிகரித்து வருகிறது. இது புவி வெப்பமடைதலுக்கு வழிவகுக்கிறது. வளிமண்டலத்தில் நீராவியின் அளவைக் குறைப்பதன் மூலம் ​​பூமியை குளிர்விக்க விஞ்ஞானிகள் ஒரு புதிய வழியைக் கண்டுபிடித்துள்ளனர்.

அமெரிக்காவின் விண்வெளி ஆய்வு நிறுவனமான நாசா மற்றும் அந்நாட்டு தேசிய கடல் மற்றும் வளிமண்டல நிர்வாக அமைப்பைச் சேர்ந்த ஆராய்ச்சியாளர்கள் இது தொடர்பாக Science Advances என்ற அறிவியல் இதழில் ஓர் ஆய்வுக் கட்டுரையை வெளியிட்டுள்ளனர்.

பூமியில் இருந்து சுமார் 11 மைல் (17 கிலோமீட்டர்) உயரத்தில், வளிமண்டலத்தின் ஸ்ட்ரேட்டோஸ்பியர் (Stratosphere) அடுக்குக்குச் சற்று கீழே, பனித் துகள்களை செலுத்தத் திட்டமிட்டுள்ளனர். இதன் மூலம் குளிர்ந்த காற்று அது மிகவும் குளிராக இருக்கும் இடத்திற்கு உயர்ந்து, நீராவியை பனியாக மாற்றுகிறது.

ஆனால், இது இப்போது நாம் செயல்படுத்தக்கூடிய ஒன்று அல்ல எனவும் எதிர்காலத்தில் இது எப்படி சாத்தியம் என்பதை ஆராயலாம்  எனவும் ஆய்வின் முதன்மை ஆசிரியரான இயற்பியலாளர் ஜோசுவா ஸ்வார்ஸ் கூறியிருக்கிறார்.

மேலும் சுவாரஸ்யமான செய்திகளுக்கு ஏசியாநெட்நியூஸ் தமிழ் வாட்ஸ்அப் சேனலை கிளிக் செய்து பின்தொடரவும்

• Climate change
• Global Temperature
• Greenhouse Effect
• warming Earth
• water vapour