"உங்கள் அழகில் மயங்கியே நான் உங்கள் கணவரை வேலைக்கு அமர்த்தினேன்"
அமெரிக்க அதிபர் டொனால்ட் டிரம்ப் பல பெண்களுடன் காதல் வயப்பட்டு அடிக்கடி சர்ச்சைகளில் சிக்கி சீரழிந்து இருக்கிறார். ஆனால், உலகமே மதிக்கும் பொறுப்பான பதவிக்கு வந்தும், முதிர்ச்சியான வயதை அடைந்தும் அவரது பெண்ணாசை இன்னும் அடங்கியபாடில்லை. சமீபத்தில் ஒரு சம்பவம் ஓவல் அலுவலகத்தில் நடந்தது. ஒரு பத்திரிகையாளர் சந்திப்பின் போது, டிரம்ப் தனது உள்துறை செயலாளர் மனைவியுடன் காதல் வயப்பட்டு வழிந்தார். டிரம்ப், "உங்கள் அழகில் மயங்கியே நான் உங்கள் கணவரை வேலைக்கு அமர்த்தினேன்" என்று கூறினார். டிரம்பின் இந்த வீடியோ இப்போது உலகம் முழுவதும் வைரல்.
டிரம்ப் வெள்ளை மாளிகையில் உள்ள தனது அதிகாரிகளுடன் போதைப்பொருள், வெனிசுலா போன்ற பிரச்சினைகள் குறித்து விவாதித்தார். ஸ்டீவ் விட்காஃப், உள்துறை செயலாளர் டக் பர்கும், அவரது மனைவி கேத்தரின் பர்கும் ஆகியோரும் ஓவல் அலுவலகத்தில் இருந்தனர். அப்போது டிரம்ப் செய்தியாளர்களிடம் பேச கேத்தரினை அழைப்பு விடுத்தார். கேத்தரின் சுமார் ஐந்து நிமிடங்கள் பேசினார், அந்த நேரத்தில் டொனால்ட் டிரம்ப் அவளை கட்டிப்பிடித்துக்கொண்டே இருந்தார். கேத்தரின் தனது உரையை முடித்ததும், டிரம்ப் பேச எழுந்தார்.
Related Articles
அப்போது டிரம்ப், "ஒருமுறை கேத்தரின் குதிரை சவாரி செய்யும் வீடியோவைப் பார்த்தேன். அவள் யார் என்று கேட்டேன்? அதன் பிறகு, நான் அவளைப் பற்றி அறிந்துகொண்டேன்" என்றார். கேத்தரினைப் பார்த்து, "நீ அழகாக இருக்கிறாய்" என்றார் டிரம்ப். பின்னர் டிரம்ப் சிரித்துக்கொண்டே, "நீ அழகாக இருக்கிறாய்... உன் அழகின் காரணமாக வெள்ளை மாளிகையில் டக் பர்கமை வேலைக்கு அமர்த்தினேன். அப்படிப்பட்டவர்களை வேலைக்கு அமர்த்துவது ஒரு மரியாதை என்றார்.
யார் இந்த டக் பர்கும்?
69 வயதான டக் பர்கம் அமெரிக்க உள்துறை செயலாளராக உள்ளார். அமெரிக்காவின் உள்நாட்டுப் பாதுகாப்பிற்கு அவர் பொறுப்பு. இந்தப் பதவியை ஏற்றுக்கொள்வதற்கு முன்பு, பர்கம் வடக்கு டகோட்டாவின் ஆளுநராகப் பணியாற்றினார். அவர் ஸ்டான்போர்ட் பல்கலைக்கழகத்தில் படித்தார். பர்கம் அமெரிக்காவில் ஒரு தொழிலதிபராகவும் அறியப்படுகிறார். பர்கமும், டிரம்பும் 1980 முதல் நண்பர்களாக உள்ளனர். பர்கமை அரசியலுக்குத் தூண்டியது டிரம்ப்தான்.
முன்னதாக, டொனால்ட் டிரம்ப் தனது பத்திரிகை செயலாளரான கரோலினா லெவிட்டுடனும் ஊர்சுற்றியுள்ளார். ஏர் ஃபோர்ஸ் ஒன் விமானத்தில் வாஷிங்டனுக்குத் திரும்பும்போது, டிரம்ப், "நான் உங்களுடன் பேசிக் கொண்டிருக்கும்போது விமானம் நடுங்குகிறது. நான் ஏதாவது ஒன்றை பிடிக்க வேண்டும். ஆனால், நான் கரோலினாவைப் பிடிக்கப் போவதில்லை" என்று கூறினார். அப்போது கரோலினா, டிரம்பின் பின்னால் நின்று கொண்டிருந்தார். இந்த வீடியோவும் சமூக ஊடகங்களில் வைரலானது.
