அதிவேகத்தில் வந்த கல்லூரி பேருந்து! கண்ணிமைக்கும் நேரத்தில் தூக்கி வீசப்பட்டு தந்தை, மகன் பலி! பகீர் சிசிடிவி
கோவை மாவட்டம் சூலூரை அடுத்த கணபதி பாளையம் பகுதியை சேர்ந்தவர் தங்கவேலு(66). விவசாயி. இவரது மகன் நந்தகுமார்(34). இவருக்கு இன்னும் திருமணமாகவில்லை.
 )
Followகோவை அருகே அதிகாலையில் தனியார் பாலிடெக்னிக் கல்லூரி பேருந்து மோதியதில் இருசக்கர வாகனத்தில் சென்ற தந்தை, மகன் இருவரும் சம்பவ இடத்திலேயே உயிரிழந்த சம்பவம் தொடர்பான சிசிடிவி காட்சிகள் வைரலாகி வருகிறது.
கோவை மாவட்டம் சூலூரை அடுத்த கணபதி பாளையம் பகுதியை சேர்ந்தவர் தங்கவேலு(66). விவசாயி. இவரது மகன் நந்தகுமார்(34). இவருக்கு இன்னும் திருமணமாகவில்லை. இந்நிலையில், கொடுமுடியில் உள்ள கோவிலுக்கு செல்ல நந்தகுமார் முடிவு செய்ததை அடுத்து அவரை வழி அனுப்புவதற்காக தனது தந்தை தங்கவேலு இருசக்கர வாகனத்தை எடுத்துக்கொண்டு மகனுடன் கருமத்தம்பட்டி நோக்கி சென்று கொண்டிருந்தார்.
இதையும் படிங்க;- புதுக்கோட்டையில் கொலை! துண்டு துண்டாக வெட்டி கோவளம் பீச்சில் உடல்.. விபச்சார பெண் கூறிய பகீர் வாக்குமூலம்..!
அப்போது கிட்டாம்பாளையம் நான்கு ரோடு அருகே வரும்போது பொள்ளாச்சியை நோக்கி சென்று கொண்டிருந்த தனியார் பாலிடெக்னிக் கல்லூரி பேருந்து கண்ணிமைக்கும் நேரத்தில் இருசக்கர வாகனம் மீது மோதியது. இதில், இருவரும் தூக்கி வீசப்பட்டு பேருந்து பின் சக்கரத்தில் சிக்கி ரத்த வெள்ளத்தில் பரிதாபமாக உயிரிழந்தனர்.
இதையும் படிங்க;- Gym Trainer Death: அடுத்த அதிர்ச்சி.. இளம் ஜிம் பயிற்சியாளர் மாரடைப்பால் உயிரிழப்பு..!
இந்த விபத்தை கண்டவர்கள் உடனே போலீசாருக்கு தகவல் தெரிவித்தனர். சம்பவ இடத்திற்கு விரைந்த போலீசார் உயிரிழந்த தந்தை மற்றும் மகன் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர். தந்தை, மகன் விபத்தில் உயிரிழந்த செய்தியை அறிந்து குடும்பத்தினர் மற்றும் உறவினர்கள் அவர்களது உடல்களை பார்த்து அழுது கதறினர். இந்த விபத்து தொடர்பாக போலீசார் வழக்குப்பதிவு செய்து விசாரணை நடத்தி வருகின்றனர். இதனிடையே, தந்தை- மகன் பேருந்து மோதி உயிரிழந்த சம்பவம் அந்த பகுதியில் இருந்த சிசிடிவி கேமிராவில் பதிவாகி இருந்தது. தற்போது அந்த வீடியோ காட்சிகள் சமூக வலைதளங்களில் வைரலாகி வருகிறது.
சேனலை கிளிக் செய்து பின்தொடரவும்
