ஹைதராபாத்தின் வெற்றிக்கு இதுதான் காரணம்!! அந்த அணி வீரரே சொல்லும் ரகசியம்
ஹைதராபாத் அணியின் கேப்டன் கேன் வில்லியம்சனின் கேப்டன்சி திறமைதான் அந்த அணியின் வெற்றிக்கு காரணம் என யூசுப் பதான் தெரிவித்துள்ளார்.
இந்த ஐபிஎல் தொடங்கியதிலிருந்தே ஹைதராபாத் அணி ஆதிக்கம் செலுத்திவருகிறது. சிறந்த பவுலிங் அணியாக அறியப்பட்ட ஹைதராபாத் அணி, டெல்லி அணிக்கு எதிரான போட்டியில் சிறந்த பேட்டிங்கையும் வெளிப்படுத்தியதால் எதிரணிகள் கலக்கத்தில் உள்ளன. 18 புள்ளிகளுடன் பிளே ஆஃப் சுற்றுக்குள் ஹைதராபாத் அணி நுழைந்துவிட்டது.
அந்த அணியின் கேப்டன் கேன் வில்லியம்சன், வீரராகவும் கேப்டனாகவும் சிறந்து விளங்குகிறார். பவுலர்களை பயன்படுத்துவது, இக்கட்டான சூழலையும் பொறுமையுடன் கையாள்வது என சிறப்பாக கேப்டன்சி செய்கிறார்.
தொடர்ந்து வெற்றிகளை பதிவு செய்து பிளே ஆஃப் சுற்றுக்கு ஹைதராபாத் அணி தகுதி பெற்றுள்ளது. இந்நிலையில், ஹைதராபாத் அணி தொடர்பாகவும், கேன் வில்லியம்சனின் கேப்டன்சி தொடர்பாகவும் அந்த அணியின் வீரர் யூசுப் பதான் கருத்து தெரிவித்துள்ளார். வில்லியம்சன் பொறுமையான நிதானமான கேப்டன்; அவரது அந்த இயல்பு வீரர்களுக்கு மிகவும் உறுதுணையாக இருக்கிறது. அணியில் அவரது இருப்பு, இக்கட்டான நிலைகளிலும் ஆட்டம் எங்களது கட்டுப்பாட்டிற்குள் இருக்க உதவுகிறது. எந்த நேரத்தில் யாருக்கு எந்த பவுலரை வீசவைக்க வேண்டும் என்ற வில்லியம்சனின் உத்தி சிறப்பாக உள்ளது. பவுலர்களை பயன்படுத்துவதில் வில்லியம்சன் சிறந்து விளங்குகிறார். அது அணியின் வெற்றிக்கு காரணமாக அமைகிறது என யூசுப் பதான் தெரிவித்துள்ளார்.
சேனலை கிளிக் செய்து பின்தொடரவும்
