டேவிஸ் கோப்பை போட்டி குறித்துப் பேசும்போது, “இந்திய அணியின் தூண்களில் சாகேத்தும் ஒருவர்” என்று பயஸ் தெரிவித்தார்.
டேவிஸ் கோப்பை போட்டி குறித்து பயஸ் பேசியது, "எனது நாட்டுக்காக களமிறங்கும் இந்தப் போட்டியில் சிறப்பான ஆட்டத்தை வெளிப்படுத்துவேன்.
சாகேத் மைனேனி விளையாட முடியாமல் போனது வருத்தமாக இருக்கிறது. நாட்டுக்காக விளையாடுகிற போட்டிகளின்போது காயமடைவதை எந்த வீரரும் விரும்பமாட்டார்.
சாகேத் மைனேனி தலைசிறந்த வீரர். இதற்கு முன்னர் ஸ்பெயினுக்கு எதிரான ஆட்டத்தில் நானும், சாகேத்தும் இணைந்து விளையாடினோம்.
அவருடன் களமிறங்கியபோது ஆட்டத்தை இரசித்து விளையாடினேன்.
என்னை சந்தித்த சாகேத், காயம் காரணமாக விளையாட முடியாது. என்னை மன்னித்துவிடுங்கள் என்றார். அவர் விரைவாக குணமடைய நம்முடைய வாழ்த்துகளை தெரிவித்துக் கொள்வோம். இந்திய அணியின் தூண்களில் அவரும் ஒருவர்' என்றுத் தெரிவித்தார்.
