ரெஸ்ட் ஆப் இந்தியா அணிக்கு எதிரான இரானி கோப்பை கிரிக்கெட் போட்டியில் குஜராத் அணி 359 ஓட்டங்கள் பெற்று முன்னிலையில் உள்ளது.
மும்பையில் நடைபெற்று வரும் இந்தப் போட்டியில் முதலில் பேட் செய்த குஜராத் அணி தனது முதல் இன்னிங்ஸில் 102.5 ஓவர்களில் 358 ஓட்டங்கள் குவித்தது.
பின்னர் முதல் இன்னிங்ஸ் ஆடிய ரெஸ்ட் ஆப் இந்தியா அணி 2-ஆவது நாள் ஆட்டநேர முடிவில் 72 ஓவர்களில் 9 விக்கெட் இழப்புக்கு 206 ஓட்டங்கள் எடுத்திருந்தது.
மூன்றாவது நாளான ஞாயிற்றுக்கிழமை தொடர்ந்து ஆடிய ரெஸ்ட் ஆப் இந்தியா 75 ஓவர்களில் 226 ஓட்டங்களுக்கு ஆட்டமிழந்தது.
இதையடுத்து முதல் இன்னிங்ஸில் 132 ஓட்டங்கள் முன்னிலை பெற்ற நிலையில் 2-ஆவது இன்னிங்ஸ் ஆடிய குஜராத் அணியில் பி.கே.பன்சால் 73 ஓட்டங்களை விளாசி ஆட்டமிழக்க, 3-ஆவது நாள் ஆட்டநேர முடிவில் 79 ஓவர்களில் 8 விக்கெட் இழப்புக்கு 227 ஓட்டங்கள் எடுத்துள்ளது.
காந்தி 55 ஓட்டங்களுடனும், ஹார்திக் படேல் ரன் ஏதுமின்றியும் களத்தில் உள்ளனர். ரெஸ்ட் ஆப் இந்தியா தரப்பில் சபேஸ் நதீம் 4 விக்கெட் வீழ்த்தியுள்ளார்.
குஜராத் அணி ஒட்டு மொத்தமாக 359 ஓட்டங்கள் முன்னிலை பெற்றுள்ளது.
