Asianet News TamilAsianet News Tamil

புரோ கபடி: தபங் டெல்லியை திணறடித்தது ஜெய்ப்பூர் பிங்க் பாந்தர்ஸ்…

Pro Kabaddi dapang has suffered the loss by Jaipur Pink Panthers ...
Pro Kabaddi dapang has suffered the loss by Jaipur Pink Panthers ...
Author
First Published Sep 18, 2017, 11:23 AM IST


புரோ கபடி லீக் சீசன் – 5 போட்டியின் 82-வது ஆட்டத்தில் ஜெய்ப்பூர் பிங்க் பாந்தர்ஸ் அணி 36-25 என்ற புள்ளிகள் கணக்கில் தபங் டெல்லி அணியை வீழ்த்தியது.

புரோ கபடி லீக் சீசன் – 5 போட்டியின் 82-வது ஆட்டம் ஜெய்ப்பூர் பிங்க் பாந்தர்ஸ் அணி – தபங் டெல்லி அணிகளுக்கு இடையே நேற்று இரவு நடைபெற்றது.

இந்த ஆட்டத்தில் தொடக்கத்தில் இருந்தே அதிரடி காட்டியது ஜெய்ப்பூர். இதனால் தடுமாற்றத்துடன் ஆடிவந்த டெல்லி முதல் பாதியில் 9-18 என்ற புள்ளிகள் கணக்கில் பின்தங்கியிருந்தது. தொடர்ந்து

நடைபெற்ற 2-வது பாதி ஆட்டத்திலும் டெல்லியை திணறடித்த ஜெய்ப்பூர் இறுதியில் 11 புள்ளிகள் வித்தியாசத்தில் வென்றது.

ஜெய்ப்பூர் தரப்பில் அதிகபட்சமாக அதன் ரைடர் பவன் குமார் 17 முறை ரைடு சென்று 6 புள்ளிகளை பெற்றார். பின்கள வீரர் சித்தார்த் 5 டேக்கிள் புள்ளிகளை வென்றார்.

டெல்லி தரப்பில் அபோல்ஃபஸல் 12 ரைடுகளில் 5 புள்ளிகள் கைப்பற்றினார். தடுப்பாட்டக்காரர் தபஸ் பால் 3 டேக்கிள் புள்ளிகளை எடுத்தார்.

இந்த ஆட்டத்தில் ஜெய்ப்பூர் அணி 17 ரைடு புள்ளிகள், 15 டேக்கிள் புள்ளிகள், 4 ஆல் அவுட் புள்ளிகள், 2 கூடுதல் புள்ளிகள் பெற்றது.

டெல்லி அணி 15 ரைடு புள்ளிகள், 9 டேக்கிள் புள்ளிகள், ஒரு கூடுதல் புள்ளி பெற்றது.

Follow Us:
Download App:
  • android
  • ios