Players in the next round of Madrid Open tennis tournament
மாட்ரிட் ஓபன் டென்னிஸ் போட்டியில் நோவக் ஜோகோவிச், நிக் கிர்ஜியோஸ், மிலோஸ் ரயோனிச், தாமஸ் பெர்டிச், நிஷிகோரி ஆகியோர் அடுத்த சுற்றுக்கு முன்னேறினர்.
மாட்ரிட் ஓபன் டென்னிஸ் போட்டி ஸ்பெயின் தலைநகர் மாட்ரிட்டில் நடைபெற்று வருகிறது,
இந்தப் போட்டியின் நேற்றைய ஆட்டத்தின் 2-ஆவது சுற்றில் ஆஸ்திரேலியாவின் நிக் கிர்ஜியோஸ் மற்றும் அமெரிக்காவின் ரியான் ஹாரிசன் மோதினர். இதில், 6-3, 6-3 என்ற நேர் செட்களில் ரியான் ஹாரிசனை, நிக் கிர்ஜியோஸ் தோற்கடித்தார்.
அதேபோன்று, உலகின் 2-ஆம் நிலை வீரரான நோவக் ஜோகோவிச் செர்பியாவின் நோவக் ஜோகோவிச் மற்றும் ஸ்பெயினின் நிகோலஸ் அல்மாக்ரோ மோதிய ஆட்டத்தில் 6-1, 4-6, 7-5 என்ற செட் கணக்கில் ஜோகோவிச் வென்றார்.
கனடாவின் மிலோஸ் ரயோனிச் தனது 2-ஆவது சுற்றில் லக்ஸம்பர்க்கின் ஜில்ஸ் முல்லருடன் மோதி 6-4, 6-4 என்ற நேர் செட்களில் வென்றார்.
செக்.குடியரசின் தாமஸ் பெர்டிச், நெதர்லாந்தின் ராபின் ஹேஸியுடன் மோதி 7-6 (5), 6-3 என்ற நேர் செட்களில் வென்று மூன்றாவது சுற்றுக்கு முன்னேறினர்.
ஜப்பானின் நிஷிகோரி 1-6, 6-0, 6-4 என்ற செட் கணக்கில் அர்ஜென்டீனாவின் டீகோ ஸ்வார்ட்ஸ்மானை வீழ்த்தி வெற்றிப் பெற்றார்.
