Pakistan qualifies for World Cup cricket match

சாம்பியன்ஸ் கோப்பைக் கிரிக்கெட் போட்டியில் இந்தியாவை வீழ்த்தி வாகைச் சூடிய பாகிஸ்தான் அணி 2019 உலகக் கோப்பை கிரிக்கெட் போட்டிக்கு நேரடித் தகுதிப் பெற்றது.

Add Asianetnews Tamil as a Preferred SourcegooglePreferred

சாம்பியன்ஸ் கோப்பைக் கிரிக்கெட் போட்டியில் வாகை சூடியதைத் தொடர்ந்து ஒரு நாள் கிரிக்கெட் தரவரிசையில் பாகிஸ்தான் அணி ஏற்றம் கண்டுள்ளது.

எட்டாவது இடத்தில் இருந்த பாகிஸ்தான், இப்போது 95 ரேட்டிங் புள்ளிகள் எடுத்து இரு இடங்கள் முன்னேறி 6-ஆவது இடத்தைப் பிடித்துள்ளது. இதன்மூலம் 2019 உலகக் கோப்பை போட்டிக்கு நேரடித் தகுதி பெறும் வாய்ப்பை பெற்றுள்ளது பாகிஸ்தான்.

2019-உலகக் கோப்பை கிரிக்கெட் போட்டி இங்கிலாந்தில் நடைபெறுகிறது. இதில் மொத்தம் எட்டு அணிகள் நேரடித் தகுதி பெறும்.

அதில் போட்டியை நடத்தும் நாடு என்ற அடிப்படையில் இங்கிலாந்து அணி ஏற்கெனவே தகுதிப் பெற்றது. எஞ்சிய 7 அணிகள் தரவரிசை அடிப்படையில் நேரடித் தகுதி பெறும்.

அதாவது செப்டம்பர் 30-ஆம் தேதி தரவரிசையில் முன்னணியில் இருக்கும் 7 அணிகள் உலகக் கோப்பை போட்டியில் விளையாட தகுதி பெறும்.

தென் ஆப்பிரிக்கா முதலிடமும், ஆஸ்திரேலியா இரண்டாமிடமும், இந்தியா மூன்றாமிடமும் பெற்றுள்ளன.

.