Asianet News TamilAsianet News Tamil

மியாமி ஓபன் டென்னிஸ்: 2-வது சுற்றுக்கு முன்னேறி அசத்தினார் யூகி பாம்ப்ரி...

Miami Open Tennis Yuki Pomprii hits the 2nd round
Miami Open Tennis Yuki Pomprii hits the 2nd round
Author
First Published Mar 24, 2018, 11:35 AM IST


மியாமி ஓபன் டென்னிஸ் போட்டியில் ஆடவர் ஒற்றையர் பிரிவில் இந்தியாவின் யூகி பாம்ப்ரி 2-வது சுற்றுக்கு முன்னேறி அசத்தியுள்ளார். 

மியாமி ஓபன் டென்னிஸ் போட்டியில் ஆடவர் ஒற்றையர் பிரிவில் உலகின் 107-ஆம் நிலை வீரரான யூகி பாம்ப்ரி, பிரதான சுற்றின் முதல் ஆட்டத்தில் உலகின் 75-ஆம் நிலையில் இருக்கும் போஸ்னிய வீரர் மிர்ஸா பேசிச்சுடன் மோதினார்.

இதில், 7-5, 6-3 என்ற செட் கணக்கில் மிர்ஸா பேசிச்சை வீழ்த்தினார் பாம்ப்ரி. ஒரு மணி 32 நிமிடங்களில் முடிவுக்கு வந்த இந்த ஆட்டத்தில், 13 பிரேக் பாய்ண்ட் வாய்ப்புகளில், யூகி 5-ஐ கைப்பற்ற, பேசிச் இரண்டை எட்டினார்.

இத்துடன் 2-வது முறையாக பேசிச்சை சந்தித்துள்ளார் யூகி. அதன்படி, கடந்த 2016-ஆம் ஆண்டு முதல் சந்திப்பில் சோஃபியா டென்னிஸ் போட்டியில் பேசிச்சிடம் கண்ட தோல்விக்கு பதிலடி கொடுத்துள்ளார் யூகி.

பாம்ப்ரி தனது 2-வது சுற்றில் உலகின் 11-ஆம் நிலை வீரரான அமெரிக்காவின் ஜேக் சாக்கை சந்திக்கிறார். 

போட்டித் தரவரிசையில் 8-வது இடத்தில் இருக்கும் ஜேக் சாக்குடன், யூகி பாம்ப்ரி மோதுவது இது முதல் முறையாகும்.

Follow Us:
Download App:
  • android
  • ios