யூத் ஒலிம்பிக்ஸ் போட்டிக்கு இந்திய டேபிள் டென்னிஸ் வீரர் தகுதி பெற்று அசத்தல்...
யூத் ஒலிம்பிக்ஸ் போட்டிக்கு இந்திய டேபிள் டென்னிஸ் வீரர் மானவ் தாக்கர் தகுதி பெற்று அசத்தியுள்ளார்.
யூத் ஒலிம்பிக்ஸ் போட்டி அர்ஜென்டீனாவில் நடைபெறவுள்ளது. இதற்கான தகுதிப் போட்டி பாங்காக்கில் நடைபெற்றன.
இதில் இந்தியாவின் மானவ் தாக்கர் மற்றும் சிங்கப்பூரின் ஜோஷ் சுவா மோதினர். விறுவிறுப்பாக நடைப்பெற்ற இந்த ஆட்டத்தில் 11-4, 11-7, 11-2, 11-9 என்ற செட் கணக்கில் ஜோஷ் சுவாவை வென்று யூத் ஒலிம்பிக்ஸ்க்கு தகுதி பெற்றார் மானவ் தாக்கர்.
இது தொடர்பாக மானவ் தாக்கர், "ஏற்கெனவே இரண்டு முறை யூத் ஒலிம்பிக்ஸ் போட்டிக்கு தகுதி பெறும் வாய்ப்பை இழந்தேன். பயிற்சியாளர் மாசிமோ காஸ்டான்டினி உரிய நேரத்தில் அறிவுரை கூறியதால் நம்பிக்கை ஏற்பட்டு சிறப்பாக விளையாடினேன்" என்று அவர் தெரிவித்தார்.
இதுகுறித்து பயிற்சியாளர் மாசிமோ, "அர்ச்சனாவுக்கும் யூத் ஒலிம்பிக்ஸ் போட்டிக்கு தகுதி பெற மேலும் சில வாய்ப்புகள் உள்ளன. அவரும் தகுதி பெறுவார் என நம்பிக்கை" என்று தெரிவித்தார்.