டி20 உலக கோப்பை: ஸ்காட்லாந்தை வீழ்த்தி சூப்பர் 12 சுற்றுக்கு முன்னேறியது ஜிம்பாப்வே
டி20 உலக கோப்பை கடைசி தகுதிப்போட்டியில் ஸ்காட்லாந்து அணியை 5 விக்கெட் வித்தியாசத்தில் வீழ்த்திய ஜிம்பாப்வே அணி சூப்பர் 12 சுற்றுக்கு முன்னேறியது.
 )
Followடி20 உலக கோப்பை சூப்பர் 12 சுற்றுக்கு 8 முன்னணி அணிகள் நேரடியாக தகுதிபெற்ற நிலையில், எஞ்சிய 4 அணிகளை தீர்மானிக்க 8 அணிகள் கலந்துகொண்டு தகுதிச்சுற்று போட்டிகளில் ஆடின.
தகுதிச்சுற்று போட்டியில் க்ரூப் ஏ-விலிருந்து இலங்கை மற்றும் நெதர்லாந்து அணிகள் சூப்பர் 12 சுற்றுக்கு முன்னேறின. க்ரூப் பி-யிலிருந்து அயர்லாந்து அணி முன்னேறிவிட்ட, இந்த க்ரூப்பிலிருந்து 2வது அணியை தீர்மானிக்கும் போட்டி ஜிம்பாப்வே - ஸ்காட்லாந்து அணிகளுக்கு இடையே ஹோபர்ட்டில் நடந்தது. கடைசி தகுதிப்போட்டியான இந்த போட்டியில் டாஸ் வென்ற ஸ்காட்லாந்து அணி முதலில் பேட்டிங் ஆடியது.
இதையும் படிங்க - ரிஷப் பண்ட்டின் தலையெழுத்து ஹர்திக் பாண்டியாவின் கையில்..! பெரும் குழப்பத்துக்கு கவாஸ்கர் சொல்லும் தீர்வு
முதலில் பேட்டிங் ஆடிய ஸ்காட்லாந்து அணியின் தொடக்க வீரர் ஜார்ஜ் முன்சி ஒரு முனையில் நிலைத்து நின்று பொறுப்புடன் ஆடி அரைசதம் அடித்தார். ஆனால் மறுமுனையில் மற்றவீரர்கள் சோபிக்கவில்லை. மற்றொரு தொடக்க வீரரான மைக்கேல் ஜோன்ஸ் 4 ரன்னிலும், மேத்யூ க்ராஸ் ஒரு ரன்னிலும், ரிச்சி பெரிங்டன் 13 ரன்னிலும் ஆட்டமிழந்து ஏமாற்றமளித்தனர்.
மெக்லியாட் 25 ரன்கள் அடித்தார். ஆனால் மந்தமாக பேட்டிங் ஆடி 26 பந்தில் அந்த 25 ரன்களை அடித்தார். அரைசதம் அடித்த ஜார்ஜ் முன்சி 51 பந்தில் 54 ரன்கள் அடித்தார். 20 ஓவரில் ஸ்காட்லாந்து அணி 132 ரன்கள் அடித்து, 133 ரன்கள் என்ற எளிய இலக்கை ஜிம்பாப்வேவுக்கு நிர்ணயித்தது.
133 ரன்கள் என்ற இலக்கை விரட்டிய ஜிம்பாப்வே அணியின் தொடக்க வீரர் சகாப்வா 4 ரன்னில் ஆட்டமிழந்தார். 3ம் வரிசையில் இறங்கிய வெஸ்லி ரன்னேஅடிக்காமலும், 4ம் வரிசையில் இறங்கிய சீன் வில்லியம்ஸ் 7 ரன்னிலும் ஆட்டமிழந்தனர். ஒருமுனையில் விக்கெட்டுகள் விழுந்தாலும் மறுமுனையில் நிலைத்து ஆடிய தொடக்க வீரரும் கேப்டனுமான கிரைக் எர்வின் அரைசதம் அடித்தார். 5ம் வரிசையில் இறங்கிய சிக்கந்தர் ராசா அதிரடியாக பேட்டிங் ஆடி 23 பந்தில் 40 ரன்களை விளாசி வெற்றிக்கு அருகில் அழைத்து சென்று ஆட்டமிழந்தார்.
இதையும் படிங்க - பந்து தலையில் பட்டு மைதானத்திலேயே சுருண்டு விழுந்த அதிரடி வீரர்..! பாகிஸ்தான் அணிக்கு மரண அடி
சிக்கந்தர் ராசாவின் அதிரடியான பேட்டிங்கால், கேப்டன் எர்வின் 58 ரன்களில் ஆட்டமிழந்தபோதிலும், ஜிம்பாப்வே அணி இலக்கை அடித்து 5 விக்கெட் வித்தியாசத்தில் வெற்றி பெற்ற ஜிம்பாப்வே அணி, சூப்பர் 12 சுற்றுக்கு முன்னேறியது.
சேனலை கிளிக் செய்து பின்தொடரவும்
