WPL 2023: எலிமினேட்டரில் யுபி வாரியர்ஸை வீழ்த்தி ஃபைனலுக்கு முன்னேறியது மும்பை இந்தியன்ஸ்
மகளிர் பிரீமியர் லீக் எலிமினேட்டரில் யுபி வாரியர்ஸை 72 ரன்கள் வித்தியாசத்தில் வீழ்த்தி அபார வெற்றி பெற்ற மும்பை இந்தியன்ஸ் அணி ஃபைனலுக்கு முன்னேறியது.
மகளிர் பிரீமியர் லீக் தொடர் இறுதிக்கட்டத்தை எட்டியுள்ளது. டெல்லி கேபிடள்ஸ் அணி புள்ளி பட்டியலில் முதலிடத்தை பிடித்து நேரடியாக ஃபைனலுக்கு முன்னேறிவிட்டது.
புள்ளி பட்டியலில் 2 மற்றும் 3ம் இடங்களை பிடித்த மும்பை இந்தியன்ஸ் மற்றும் யுபி வாரியர்ஸ் அணிகள் இன்று நடந்த எலிமினேட்டர் போட்டியில் மோதின. மும்பை டி.ஒய் பாட்டீல் ஸ்டேடியத்தில் நடந்த போட்டியில் டாஸ் வென்ற யுபி வாரியர்ஸ் அணி ஃபீல்டிங்கை தேர்வு செய்தது.
யுபி வாரியர்ஸ் அணி:
அலைஸா ஹீலி (கேப்டன், விக்கெட் கீப்பர்), ஷ்வேதா செராவத், சிம்ரன் ஷேக், டாலியா மெக்ராத், கிரேஸ் ஹாரிஸ், கிரன் நவ்கிரே, தீப்தி ஷர்மா, சோஃபி எக்லிஸ்டோன், அஞ்சலி சர்வானி, பார்ஷவி சோப்ரா, யஷஸ்ரி.
மும்பை இந்தியன்ஸ் அணி:
ஹைலி மேத்யூஸ், யஸ்டிகா பாட்டியா (விக்கெட் கீப்பர்), நாட் ஸ்கிவர் பிரண்ட், ஹர்மன்ப்ரீத் கௌர் (கேப்டன்), மெலி கெர், பூஜா வஸ்ட்ராகர், இசி வாங், அமன்ஜோத் கௌர், ஹுமைரா காஸி, ஜிந்தாமனி கலிடா, சாய்கா இஷாக்.
முதலில் பேட்டிங் ஆடிய மும்பை இந்தியன்ஸ் அணியின் தொடக்க வீராங்கனைகள் யஸ்டிகா பாட்டியா 21 ரன்களும், ஹைலி மேத்யூஸ் 26 ரன்களும் அடித்தனர். 3ம் வரிசையில் இறங்கிய நாட் ஸ்கிவர் பிரண்ட் அதிரடியாக ஆடி அரைசதம் அடித்தார். பவுண்டரியும் சிக்ஸருமாக விளாசி நிலைத்து நின்று தனி வீராங்கனையாக மும்பை இந்தியன்ஸ் அணியின் ஸ்கோரை உயர்த்திய நாட் ஸ்கிவர் பிரண்ட் 38 பந்தில் 9 பவுண்டரிகள் மற்றும் 2 சிக்ஸர்களுடன் 72 ரன்களை குவித்து கடைசிவரை களத்தில் நின்று இன்னிங்ஸை முடித்து கொடுத்தார்.
மெலி கெர் 19 பந்தில் 5 பவுண்டரிகளுடன் 29 ரன்களை விளாசினார். நாட் ஸ்கிவர் பிரண்ட்டின் அதிரடி அரைசதம் மற்றும் மெலி கெர்ரின் அதிரடி ஃபினிஷிங்கால் 20 ஓவரில் 182 ரன்களை குவித்தது மும்பை இந்தியன்ஸ் அணி.
183 ரன்கள் என்ற கடின இலக்கை விரட்டிய யுபி வாரியர்ஸ் அணி வீராங்கனைகள் தொடக்கம் முதலே சீரான இடைவெளியில் மளமளவென தொடர்ச்சியாக ஆட்டமிழந்தனர். 3ம் வரிசையில் இறங்கிய கிரன் நவ்கிரே மட்டுமே நன்றாக ஆடி 27 பந்தில் 43 ரன்கள் அடித்தார். மற்ற வீராங்கனைகள் அனைவரும் சொதப்ப, அந்த அணி வெறும் ரன்கள் மட்டுமே அடித்து தோல்வியை தழுவியது.
IPL 2023: இந்த முறை கோப்பையை தூக்கியே தீரணும்..! ஆர்சிபி அணியின் வலுவான ஆடும் காம்பினேஷன்
ரன்கள் வித்தியாசத்தில் அபார வெற்றி பெற்ற மும்பை இந்தியன்ஸ் அணி ஃபைனலுக்கு முன்னேறியது. வரும் 26ம் தேதி ஞாயிற்றுக்கிழமை நடக்கும் டைட்டிலுக்கான ஃபைனலில் டெல்லி கேபிடள்ஸும் மும்பை இந்தியன்ஸும் மோதுகின்றன.
சேனலை கிளிக் செய்து பின்தொடரவும்
