தென்னாப்பிரிக்க அணியில் 2 அதிரடி மாற்றங்கள்.. இலங்கை அணி முதலில் பேட்டிங்
உலக கோப்பை தொடர் விறுவிறுப்பான கட்டத்தை எட்டியுள்ள நிலையில், இன்றைய போட்டியில் இலங்கை மற்றும் தென்னாப்பிரிக்க அணிகள் மோதுகின்றன.
உலக கோப்பை தொடர் விறுவிறுப்பான கட்டத்தை எட்டியுள்ள நிலையில், இன்றைய போட்டியில் இலங்கை மற்றும் தென்னாப்பிரிக்க அணிகள் மோதுகின்றன.
தென்னாப்பிரிக்க அணி ஆடிய 7 போட்டிகளில் ஒரேயொரு வெற்றி மட்டுமே பெற்றுள்ளதால் அந்த அணி அரையிறுதிக்கு முன்னேறும் வாய்ப்பை ஏற்கனவே இழந்துவிட்டது. இலங்கை அணி 6 போட்டிகளில் ஆடி 6 புள்ளிகளை பெற்றுள்ளது. அந்த அணி எஞ்சிய 3 போட்டிகளிலும் வெற்றி பெற வேண்டிய கட்டாயத்தில் உள்ளது.
வெற்றி கட்டாயத்தில் இருக்கும் இலங்கை அணி, இழப்பதற்கு ஒன்றுமில்லாத தென்னாப்பிரிக்க அணியை எதிர்கொண்டு ஆடுகிறது. இந்த போட்டியில் இலங்கை அணியில் டாப் ஆர்டர் பேட்ஸ்மேன் திரிமன்னே ஆடவில்லை.
தென்னாப்பிரிக்க அணியில் 2 அதிரடி மாற்றங்கள் செய்யப்பட்டுள்ளன. அதிரடி வீரர் டேவிட் மில்லருக்கு பதிலாக அனுபவ வீரர் ஜேபி டுமினி அணியில் சேர்க்கப்பட்டுள்ளார். அதேபோல ஃபாஸ்ட் பவுலர் லுங்கி இங்கிடி நீக்கப்பட்டு ப்ரிடோரியஸ் அணியில் சேர்க்கப்பட்டுள்ளார்.
இலங்கை அணி:
கருணரத்னே(கேப்டன்), குசால் பெரேரா(விக்கெட் கீப்பர்), ஃபெர்னாண்டோ, குசால் மெண்டிஸ், மேத்யூஸ், தனஞ்செயா டி சில்வா, திசாரா பெரேரா, ஜீவன் மெண்டிஸ், உடானா, மலிங்கா, லக்மல்.
தென்னாப்பிரிக்க அணி:
டி காக்(விக்கெட் கீப்பர்), ஆம்லா, டு ப்ளெசிஸ்(கேப்டன்), மார்க்ரம், டுமினி, வாண்டெர் டசன், ஃபெலுக்வாயோ, கிறிஸ் மோரிஸ், ப்ரிடோரியஸ், ரபாடா, இம்ரான் தாஹிர்.
சேனலை கிளிக் செய்து பின்தொடரவும்
