India vs England 2nd Test: டெஸ்ட் கிரிக்கெட்டில் 3ஆவது சதம் – இந்திய அணியை சரிவிலிருந்து மீட்ட சுப்மன் கில்!
இங்கிலாந்து அணிக்கு எதிரான 2ஆவது டெஸ்ட் போட்டியில் இந்திய வீரர் சுப்மன் கில் சதம் விளாசி சாதனை படைத்துள்ளார்.
Followஇந்தியா வந்த இங்கிலாந்து 5 போட்டிகள் கொண்ட டெஸ்ட் தொடரில் விளையாடி வருகிறது. இதில், முதல் போட்டியில் இந்தியா 28 ரன்கள் வித்தியாசத்தில் தோல்வியை தழுவியது. இதையடுத்து இரு அணிகளுக்கு இடையிலான 2ஆவது டெஸ்ட் போட்டி தற்போது விசாகப்பட்டினம் மைதானத்தில் நடைபெற்று வருகிறது. இதில், இந்தியா டாஸ் வென்று முதலில் பேட்டிங் செய்து 396 ரன்கள் குவித்தது. அதிகபட்சமாக யஷஸ்வி ஜெய்ஸ்வால் 209 ரன்கள் குவித்து சொந்த மண்ணில் இரட்டை சதம் விளாசி சாதனை படைத்தார்.
இதைத் தொடர்ந்து இங்கிலாந்து அணி முதல் இன்னிங்ஸை விளையாடியது. இதில், தொடக்க வீரர் ஜாக் கிராவ்லி 76 ரன்களும், பென் ஸ்டோக்ஸ்ட் 47 ரன்களும் எடுத்துக் கொடுக்க இங்கிலாந்து 253 ரன்கள் மட்டுமே எடுத்தது. இதில், இந்திய அணியின் வேகப்பந்து வீச்சாளர் ஜஸ்ப்ரித் பும்ரா 6 விக்கெட்டுகள் கைப்பற்றி அசத்தினார். அதோடு, டெஸ்ட் கிரிக்கெட்டில் அதிவேகமாக 150 விக்கெட்டுகள் கைப்பற்றி சாதனை படைத்தார்.
இதைத் தொடர்ந்து 143 ரன்கள் முன்னிலையுடன் இந்திய அணி 2ஆவது இன்னிங்ஸை தொடங்கியது. இதில், 2ஆம் நாள் ஆட்டநேர முடிவில் விக்கெட் இழப்பின்றி இந்தியா 28 ரன்கள் எடுத்திருந்தது. இதைத் தொடர்ந்து ரோகித் சர்மா மற்றும் யஷஸ்வி ஜெய்ஸ்வால் இருவரும் 3ஆவது நாள் ஆட்டத்தைத் தொடங்கினர். இதில், ரோகித் சர்மா 13 ரன்களில் தனது விக்கெட்டை இழக்க, ஜெய்ஸ்வால் 17 ரன்களில் தனது விக்கெட்டை இழந்தார்.
இதைத் தொடர்ந்து ஷ்ரேயாஸ் ஐயர் மற்றும் சுப்மன் கில் இருவரும் இந்திய அணியை சரிவிலிருந்து மீட்டனர். இதில், சுப்மன் கில் கடந்த 10 இன்னிங்ஸ்களுக்க் மேலாக ஒரு அரைசதம் கூட அடிக்காமல் விமர்சனத்திற்கு உள்ளாகியிருந்தார். இந்த நிலையில், தான் இந்தப் போட்டியில் பல போராட்டங்களுக்கு பிறகு 13ஆவது இன்னிங்ஸ்களில் முதல் அரைசதம் அடித்துள்ளார். ஒட்டு மொத்தமாக 5ஆவது அரைசதம் அடித்து இந்திய அணிக்கு தேவையான நேரத்தில் ரன்கள் எடுத்துக் கொடுத்துள்ளார். தொடர்ந்து விளையாடிய கில் அதனை சதமாகவும் மாற்றினார்.
India vs England 2nd Test: 8ஆவது முறையாக காலி செய்த பும்ரா - கோபத்தில் கொந்தளித்த ரூட்!
கில், 132 பந்துகளில் சதம் அடித்ததன் மூலமாக டெஸ்ட் கிரிக்கெட்டில் தனது 3ஆவது சதத்தை பதிவு செய்தார். மேலும், 7 ஆண்டுகளுக்கு பிறகு நம்பர் 3ல் களமிறங்கிய ஒரு வீரர் சதம் அடிப்பது இதுவே முதல் முறையாகும். இதற்கு முன்னதாக நம்பர் 3ல் விளையாடி வந்த சட்டேஷ்வர் புஜாரா கடந்த 2017 ஆம் ஆண்டு இலங்கைக்கு எதிரான டெஸ்ட் போட்டியில் சதம் விளாசியிருந்தார் என்பது குறிப்பிடத்தக்கது. டீ பிரேக் வரையில் இந்திய அணியானது 6 விக்கெட்டுகளை இழந்து 227 ரன்கள் எடுத்துள்ளது. இதன் மூலமாக 370 ரன்கள் முன்னிலை பெற்றுள்ளது.
சேனலை கிளிக் செய்து பின்தொடரவும்- Asianet News Tamil
- Axar Patel
- Ben Duckett
- Ben Foakes
- Ben Stokes
- Cricket
- IND vs ENG 2nd Test
- India vs England 2nd Test
- Indian Cricket Team
- James Anderson
- Jasprit Bumrah
- Joe Root
- Jonny Bairstow
- Kuldeep Yadav
- Mukesh Kumar
- Ollie Pope
- Rajat Patidar
- Ravichandran Ashwin
- Rehan Ahmed
- Rohit Sharma
- Shoaib Bashir
- Shreyas Iyer
- Shubman Gill
- Srikar Bharat
- Team India
- Test
- Tom Hartley
- Vizak Test
- Watch IND vs ENG 2nd Test Live
- Yashasvi Jaiswal
- Zak Crawley
