Asianet News TamilAsianet News Tamil

கீமோ பாலின் கடைசி நேர காட்டடி! கோப்பையை வெல்ல பாட்ரியாட்ஸுக்கு சவாலான இலக்கை நிர்ணயித்த செயிண்ட் லூசியா கிங்ஸ்

கீமோ பாலின் கடைசி நேர காட்டடி பேட்டிங்கால், கரீபியன் பிரீமியர் லீக் இறுதி போட்டியில் செயிண்ட் கிட்ஸ் & நெவிஸ் பாட்ரியாட்ஸ் அணிக்கு சவாலான இலக்கை நிர்ணயித்துள்ளது செயிண்ட் லூசியா கிங்ஸ் அணி.
 

saint lucia kings set challenging target to saint kitts & nevis patriots in cpl 2021 final with the help of keemo paul
Author
St Kitts & Nevis, First Published Sep 15, 2021, 10:28 PM IST
  • Facebook
  • Twitter
  • Whatsapp

கரீபியன் பிரீமியர் லீக் தொடரின் இறுதி போட்டி இன்று நடந்துவருகிறது. செயிண்ட் லூசியா கிங்ஸ் மற்றும் செயிண்ட் கிட்ஸ் & நெவிஸ் பாட்ரியாட்ஸ் அணிகளுக்கு இடையேயான போட்டியில் டாஸ் வென்ற கிங்ஸ் அணி முதலில் பேட்டிங் ஆடியது.

செயிண்ட் லூசியா கிங்ஸ் அணியின் தொடக்க வீரரும் கேப்டனுமான ஆண்ட்ரே ஃப்ளெட்சர் 7 பந்தில் 11 ரன் மட்டுமே அடித்து ஆட்டமிழந்தார். மற்றொரு தொடக்க வீரரான கார்ன்வால் அதிரடியாக ஆடி 32 பந்தில் 43 ரன்கள் அடித்தார். மார்க் டீயல் ஒரு ரன்னிலும், டேவிட் வீஸ் 2 ரன்னிலும் ஆட்டமிழந்தனர். 

சிறப்பாக ஆடிய ரோஸ்டான் சேஸ் 43 ரன்னில் 18வது ஓவரின் கடைசி பந்தில் ஆட்டமிழக்க, 18 ஓவர் முடிவில் 6 விக்கெட் இழப்பிற்கு 128 ரன்கள் அடித்திருந்தது லூசியா கிங்ஸ் அணி. 19வது ஓவரில் 3 சிக்ஸர்களை விளாசிய கீமோ பால், கடைசி ஓவரில் ஒரு சிக்ஸர் விளாச, கடைசி 2 ஓவரில் கீமோ பால் 4 சிக்ஸர்களை விளாசியதன் விளைவாக, 20 ஓவரில் 159 ரன்கள் அடித்த கிங்ஸ் அணி, கோப்பையை வெல்ல பாட்ரியாட்ஸ் அணிக்கு 160 ரன்கள் என்ற சவாலான இலக்கை நிர்ணயித்துள்ளது.
 

Follow Us:
Download App:
  • android
  • ios