ஆசிய கோப்பை கிரிக்கெட் தொடரில் ஃபாஸ்ட் பவுலர் ஷாஹீன் அஃப்ரிடி ஆடாதது பாகிஸ்தான் அணிக்கு பெரும் பின்னடைவு என்று அந்த அணியின் தலைமை பயிற்சியாளர் சக்லைன் முஷ்டாக் வருத்தம் தெரிவித்துள்ளார்.
பாகிஸ்தான் அணியின் நட்சத்திர ஃபாஸ்ட் பவுலர் ஷாஹீன் அஃப்ரிடி. 22 வயதே ஆன ஷாஹீன் அஃப்ரிடி, பாகிஸ்தான் அணியின் முன்னணி மற்றும் நட்சத்திர ஃபாஸ்ட் பவுலராக வளர்ந்துள்ளார்.
பாகிஸ்தான் அணிக்காக 25 டெஸ்ட், 32 ஒருநாள் மற்றும் 40 டி20 போட்டிகளில் ஆடி முறையே 99, 62 மற்றும் 47 விக்கெட்டுகளை வீழ்த்தியுள்ளார்.
இதையும் படிங்க - சச்சின் டெண்டுல்கரின் 24 ஆண்டுகால சாதனையை தகர்த்தெறிந்த ஷுப்மன் கில்..!
கடந்த ஆண்டு நடந்த டி20 உலக கோப்பையில் முதலில் பேட்டிங் ஆடிய இந்திய அணியின் டாப் ஆர்டர் மற்றும் முக்கியமான பேட்ஸ்மேன்களான ரோஹித், ராகுல், கோலி ஆகியோரை விரைவில் வீழ்த்தி இந்திய அணியை நிலைகுலைய வைத்தவர் பாகிஸ்தான் ஃபாஸ்ட் பவுலர் ஷாஹீன் அஃப்ரிடி. அவர் தான் பாகிஸ்தான் அணியின் வெற்றிக்கு முக்கிய காரணம்.
இந்தியாவும் பாகிஸ்தானும் ஆசிய கோப்பையில் 3 முறை மோதும். இந்நிலையில், ஷாஹீன் அஃப்ரிடி ஆடாதது பாகிஸ்தான் அணிக்கு கண்டிப்பாகவே பெரும் பின்னடைவாகவே அமையும். பாகிஸ்தான் முன்னாள் வீரர்கள் பலரும் ஷாஹீன் அஃப்ரிடி ஆடாததால் கவலையில் இருப்பதுடன், பாகிஸ்தான் அணிக்கு பெரும் பாதகமாக அமையும் என்று இன்சமாம் உல் ஹக் உட்பட வருத்தம் தெரிவித்துவருகின்றனர்.
இதையும் படிங்க - தோனியா சச்சினா..? ருதுராஜ் கெய்க்வாட்டின் சாமர்த்தியமான பதில்
இந்நிலையில், ஷாஹீன் அஃப்ரிடி ஆடாதது பாகிஸ்தான் அணிக்கு பெரும் பின்னடைவு என்று தலைமை பயிற்சியாளர் சக்லைன் முஷ்டாக் கூறியுள்ளார்.
இதுகுறித்து பேசியுள்ள சக்லைன் முஷ்டாக், ஆசிய கோப்பை மற்றும் இங்கிலாந்துக்கு எதிரான தொடரில் ஷாஹீன் அஃப்ரிடி ஆடாதது பெரும் பின்னடைவு. உலகின் டாப் லெவல் பேட்ஸ்மேன்களுக்கெல்லாம் அபாரமாக பந்துவீசியிருக்கிறார்.
ஷாஹீன் அஃப்ரிடி மாதிரியான ஒரு பவுலரின் இடத்தை நிரப்புவது கடினம். நசீமை ஒரு ஸ்டார் பவுலராகத்தான் பார்க்கிறேன். அவரது கண்ட்ரோல், ஆக்ரோஷம்,ஆட்டிடியூட் அருமையாக இருக்கும். ஷாஹீன் அஃப்ரிடியின் காயம் எதிர்பார்த்திராதது. ஆனால் அவர் விரைவில் காயத்திலிருந்து மீண்டுவருவார் என நம்புவதாக சக்லைன் முஷ்டாக் தெரிவித்துள்ளார்.
