மும்பை இந்தியன்ஸ் - கேகேஆர் அணிகளுக்கு இடையேயான இன்றைய போட்டியில் களமிறங்கும் இரு அணிகளின் உத்தேச ஆடும் லெவனை பார்ப்போம்.
ஐபிஎல் 15வது சீசனின் இன்றைய போட்டியில் மும்பை இந்தியன்ஸும் கேகேஆரும் மோதுகின்றன. மும்பை டி.ஒய்.பாட்டீல் மைதானத்தில் நடக்கும் இந்த போட்டி புள்ளி பட்டியலில் தாக்கத்தை ஏற்படுத்தாத போட்டி ஆகும். ஏனெனில் மும்பை இந்தியன்ஸ் அணி பிளே ஆஃப் வாய்ப்பை ஏற்கனவே இழந்துவிட்டது. கேகேஆருக்கும் இனிமேல் வாய்ப்பில்லை.
எனவே இந்த போட்டி பெரியளவில் முக்கியத்துவம் இல்லாத போட்டி. அந்த இரு அணிகளுக்கும் புள்ளி பட்டியலில் முடிந்தவரை மேலே முடிக்க இந்த வெற்றி உதவும்.
இரு அணிகளிலுமே சில மாற்றங்கள் செய்யப்படலாம். மும்பை அணியில் குமார் கார்த்திகேயாவிற்கு பதிலாக பாசில் தம்பி சேர்க்கப்படலாம்.
உத்தேச மும்பை இந்தியன்ஸ் அணி:
இஷான் கிஷன் (விக்கெட் கீப்பர்), ரோஹித் சர்மா, சூர்யகுமார் யாதவ், திலக் வர்மா, கைரன் பொல்லார்டு, டிம் டேவிட், டேனியல் சாம்ஸ், முருகன் அஷ்வின், குமார் கார்த்திகேயா/பாசில் தம்பி, ஜஸ்ப்ரித் பும்ரா, ரிலே மெரிடித்.
கேகேஆர் அணியில் மீண்டும் அஜிங்க்யா ரஹானே சேர்க்கப்பட வாய்ப்புள்ளது. அதேபோல விக்கெட் கீப்பராக பாபா இந்திரஜித்துக்கு பதிலாக ஷெல்டான் ஜாக்சன் சேர்க்கப்படலாம். அனுகுல் ராய் - அமான் கான் ஆகிய இருவரில் ஒருவரும், உமேஷ் யாதவுக்கு பதில் ஹர்ஷித் ராணாவும் ஆட வாய்ப்புள்ளது. இந்த சீசனில் இந்த இரு அணிகளும் ஏற்கனவே மோதிய போட்டியில் பாட் கம்மின்ஸ் அபாரமாக ஆடியிருந்த நிலையில், டிம் சௌதிக்கு பதிலாக கம்மின்ஸ் ஆடுவார் என்று எதிர்பார்க்கப்படுகிறது.
உத்தேச கேகேஆர் அணி:
ஆரோன் ஃபின்ச், வெங்கடேஷ் ஐயர்/அஜிங்க்யா ரஹானே, ஷ்ரேயாஸ் ஐயர் (கேப்டன்), நிதிஷ் ராணா, ஷெல்டான் ஜாக்சன்/பாபா இந்திரஜித் (விக்கெட் கீப்பர்), ஆண்ட்ரே ரசல், சுனில் நரைன், அமான் கான்/அனுகுல் ராய், டிம் சௌதி, உமேஷ் யாதவ்/ஹர்ஷித் ராணா, ஷிவம் மாவி.
