இந்தியா - தென்னாப்பிரிக்கா இடையேயான 4வது டி20 போட்டிக்கான இரு அணிகளின் உத்தேச ஆடும் லெவனை பார்ப்போம்.
தென்னாப்பிரிக்க அணி இந்தியாவில் சுற்றுப்பயணம் செய்து 5 டி20 போட்டிகள் கொண்ட தொடரில் ஆடிவருகிறது. முதலிரண்டு போட்டிகளில் தென்னாப்பிரிக்க அணி வெற்றி பெற்ற நிலையில், 3வது போட்டியில் இந்திய அணி வெற்றி பெற்றது.
3 போட்டிகளின் முடிவில் தென்னாப்பிரிக்க அணி 2-1 என முன்னிலை வகிக்கிறது. இன்று 4வது டி20 போட்டி ராஜ்கோட்டில் நடக்கிறது. இந்த போட்டியில் வெற்றி பெற்றால் தென்னாப்பிரிக்க அணி தொடரை வென்றுவிடும். இந்திய அணி தொடரை வெல்லும் வாய்ப்பை தக்கவைக்க, இந்த போட்டியில் கண்டிப்பாக வெற்றி பெற வேண்டும்.
இரு அணிகளுமே வெற்றி வேட்கையுடன் இந்த போட்டியில் மோதவுள்ளன. எனவே போட்டி மிகக்கடுமையாக இருக்கும். இந்த போட்டிக்கான இந்திய அணியில் எந்த மாற்றமும் செய்யப்பட வாய்ப்பில்லை. முதல் 2 போட்டிகளில் தோற்றபோதே, 3வது போட்டிக்கான அணியில் எந்த மாற்றமும் செய்யாமல், அதே அணி மீது நம்பிக்கை வைத்து இறக்கிவிடப்பட்ட நிலையில், இந்த போட்டிக்கான அணி காம்பினேஷனில் எந்த மாற்றமும் செய்யப்பட வாய்ப்பில்லை.
உத்தேச இந்திய அணி:
இஷான் கிஷன், ருதுராஜ் கெய்க்வாட், ஷ்ரேயாஸ் ஐயர், ரிஷப் பண்ட் (கேப்டன், விக்கெட் கீப்பர்), ஹர்திக் பாண்டியா, தினேஷ் கார்த்திக், அக்ஸர் படேல், ஹர்ஷல் படேல், புவனேஷ்வர் குமார், யுஸ்வேந்திர சாஹல், ஆவேஷ் கான்.
தென்னாப்பிரிக்க அணியில் ஒரு மாற்றம் செய்யப்படும். காயத்தால் கடந்த 2 போட்டிகளில் ஆடாத குயிண்டன் டி காக் அணிக்கு திரும்புவதால் ரீஸா ஹென்ரிக்ஸ் அணியிலிருந்து நீக்கப்படுவார். டி காக் அணிக்கு திரும்பினாலும், கிளாசன் தான் விக்கெட் கீப்பிங் செய்வார் என்று தெரிகிறது.
உத்தேச தென்னாப்பிரிக்க அணி:
டெம்பா பவுமா (கேப்டன்), குயிண்டன் டி காக், ட்வைன் பிரிட்டோரியஸ், வாண்டர் டசன், ஹென்ரிச் கிளாசன் (விக்கெட் கீப்பர்), டேவிட் மில்லர், வைன் பர்னெல், ரபாடா, கேஷவ் மஹராஜ், அன்ரிக் நோர்க்யா, டப்ரைஸ் ஷாம்ஸி.
