Asianet News TamilAsianet News Tamil

டெஸ்ட் போட்டியில் வெஸ்ட் இண்டீஸ் ஏ அணியை வீழ்த்தி இந்தியா ஏ அபார வெற்றி

5 ஒருநாள் போட்டிகள் கொண்ட அதிகாரப்பூர்வமற்ற தொடரை இந்தியா ஏ அணி 4-1 என வென்றது. இதையடுத்து அதிகாரப்பூர்வமற்ற டெஸ்ட் தொடர் நடந்துவருகிறது. 
 

india a team beat west indies a team in first unofficial test
Author
West Indies, First Published Jul 28, 2019, 4:28 PM IST

இந்திய அணி வெஸ்ட் இண்டீஸில் சுற்றுப்பயணம் செய்து ஆடவுள்ள நிலையில், இந்தியா ஏ அணி வெஸ்ட் இண்டீஸ் ஏ அணியுடன் ஆடிவருகிறது.

5 ஒருநாள் போட்டிகள் கொண்ட அதிகாரப்பூர்வமற்ற தொடரை இந்தியா ஏ அணி 4-1 என வென்றது. இதையடுத்து அதிகாரப்பூர்வமற்ற டெஸ்ட் தொடர் நடந்துவருகிறது. 

முதல் டெஸ்ட் போட்டியில் முதலில் பேட்டிங் ஆடிய வெஸ்ட் இண்டீஸ் ஏ அணி 228 ரன்கள் அடித்தது. இதையடுத்து முதல் இன்னிங்ஸை ஆடிய இந்தியா ஏ அணி ரிதிமான் சஹா மற்றும் ஷிவம் துபே ஆகியோரின் பொறுப்பான அரைசதம் மற்றும் ஷுப்மன் கில், ப்ரியங்க் பன்சால் ஆகியோரின் பங்களிப்பால் இந்தியா ஏ அணி 312 ரன்கள் குவித்தது.

84 ரன்கள் பின் தங்கிய நிலையில் இரண்டாவது இன்னிங்ஸை ஆடிய வெஸ்ட் இண்டீஸ் ஏ அணி, 180 ரன்களுக்கு ஆல் அவுட்டானது. முதல் இன்னிங்ஸில் 5 விக்கெட்டுகளை வீழ்த்திய நதீம், இரண்டாவது இன்னிங்ஸிலும் 5 விக்கெட்டுகளை வீழ்த்தி அசத்தினார். இதையடுத்து 96 ரன்கள் என்ற இலக்குடன் களமிறங்கிய இந்தியா ஏ அணி 4 விக்கெட்டுகளை மட்டுமே இழந்து 30 ஓவரில் இலக்கை எட்டி 6 விக்கெட்டுகள் வித்தியாசத்தில் வெற்றி பெற்றது.

Follow Us:
Download App:
  • android
  • ios