உலக கோப்பை 2019: இங்கிலாந்துக்கு சர்ப்ரைஸ் கொடுத்த தென்னாப்பிரிக்கா.. முதல் ஓவரிலேயே கெத்து காட்டிய இம்ரான் தாஹிர்
லண்டன் ஓவல் மைதானத்தில் நடந்துவரும் இந்த போட்டியில் டாஸ் வென்ற தென்னாப்பிரிக்க கேப்டன் டுபிளெசிஸ் பவுலிங் தேர்வு செய்தார். பேட்டிங்கிற்கு சாதகமான ஆடுகளமாக இருந்தபோதிலும், வலுவான பேட்டிங் ஆர்டரை கொண்ட இங்கிலாந்து அணியை பேட்டிங் செய்ய பணித்தார் டுபிளெசிஸ்.
உலக கோப்பை தொடரின் முதல் போட்டியில் இங்கிலாந்து அணியும் தென்னாப்பிரிக்க அணியும் ஆடிவருகின்றன.
லண்டன் ஓவல் மைதானத்தில் நடந்துவரும் இந்த போட்டியில் டாஸ் வென்ற தென்னாப்பிரிக்க கேப்டன் டுபிளெசிஸ் பவுலிங் தேர்வு செய்தார். பேட்டிங்கிற்கு சாதகமான ஆடுகளமாக இருந்தபோதிலும், வலுவான பேட்டிங் ஆர்டரை கொண்ட இங்கிலாந்து அணியை பேட்டிங் செய்ய பணித்தார் டுபிளெசிஸ்.
தொடக்கத்திலேயே அடித்து ஆடி எதிரணியை தெறிக்கவிடக்கூடிய ஜேசன் ராயும் பேர்ஸ்டோவும் இறங்கினர். இங்கிலாந்து அணியை ஆரம்பத்தில் விட்டுவிட்டால் அந்த அணியின் ஸ்கோரை கட்டுப்படுத்துவது கடினம். அதையறிந்த தென்னாப்பிரிக்க கேப்டன், முதல் ஓவரிலேயே இங்கிலாந்து அணிக்கு சர்ப்ரைஸ் கொடுத்தார்.
முதல் ஓவரை வீசப்போவது ரபாடாவா இங்கிடியா என எதிர்பார்க்கப்பட்ட நிலையில், சீனியர் ரிஸ்ட் ஸ்பின்னர் இம்ரான் தாஹிரிடம் முதல் ஓவரை கொடுத்தார் டுபிளெசிஸ். தனது கேப்டனின் நம்பிக்கையை வீணடிக்காத தாஹிர், அபாயகரமான வீரரான பேர்ஸ்டோவை இரண்டாவது பந்திலேயே வீழ்த்தினார். இம்ரான் தாஹிர் வீசிய முதல் பந்தில் ராய் சிங்கிள் தட்ட, இரண்டாவது பந்தில் கோல்டன் டக் ஆகி வெளியேறினார் பேர்ஸ்டோ. இதையடுத்து ராயுடன் ஜோ ரூட் ஜோடி சேர்ந்து ஆடிவருகிறார்.
சேனலை கிளிக் செய்து பின்தொடரவும்
