2 தோல்விகளுக்கு பிறகு கிடைத்த முதல் வெற்றி – பாலசந்தர் அனிருத் அதிரடியால் திருப்பூர் தமிழன்ஸ் வெற்றி!
மதுரை பாந்தர்ஸ் அணிக்கு எதிரான டிஎன்பிஎல் தொடரின் 10ஆவது போட்டியில் திருப்பூர் தமிழன்ஸ் 4 விக்கெட்டுகள் வித்தியாசத்தில் வெற்றி பெற்றுள்ளது.
 )
Followதமிழ்நாடு பிரீமியர் லீக் 2024 தொடைரின் 8ஆவது சீசன் சேலத்தில் தொடங்கி விறுவிறுப்பாக நடைபெற்று வருகிறது. முதல் கட்ட லீக் போட்டிகள் சேலத்தில் நடைபெற்றது. இதையடுத்து தற்போது 2ஆம் கட்ட லீக் போட்டிகள் கோயம்புத்தூரில் நடைபெற்று வருகிறது. இதில், நேற்று நடைபெற்ற முதல் போட்டியில் ஹரி நிஷாந்த் தலைமையிலான சீகம் மதுரை பாந்தர்ஸ் அணியும், ரவிஸ்ரீனிவாசன் சாய் கிஷோர் தலைமையிலான ஐடிரீம் திருப்பூர் தமிழன்ஸ் அணியும் மோதின.
இதில் டாஸ் வென்று திருப்பூர் தமிழன்ஸ் பவுலிங் தேர்வு செய்தது. அதன்படி, சீகம் மதுரை பாந்தர்ஸ் 20 ஓவர்களில் 9 விக்கெட்டுகளை இழந்து 156 ரன்கள் குவித்தது. அதிகபட்சமாக உதிரசாமி சசிதேவ் 19 பந்துகளில் 2 பவுண்டரி, 4 சிக்ஸர் உள்பட 41 ரன்கள் எடுத்து ஆட்டமிழந்தார். பவுலிங்கைப் பொறுத்த வரையில் திருப்பூர் தமிழன்ஸ் அணியில் அஜித் ராம் 3 விக்கெட்டுகள் கைப்பற்றினார்.
ராமலிங்கம் ரோகித் 2 விக்கெட்டுகள் கைப்பற்றினார். சாய் கிஷோர், முகமது அலி மற்றும் மதிவாணன் ஆகியோர் தலா ஒரு விக்கெட்டுகள் கைப்பற்றினர். பின்னர் எளிய இலக்கை துரத்திய திருப்பூர் தமிழன்ஸ் அணியானது பேட்டிங் செய்தது. இதில், எஸ் ராதாகிருஷணன் மற்றும் துஷார் ரஹேஜா இருவரும் தொடக்க வீரர்களாக களமிறங்கினர். இருவருமே சொற்ப ரன்களில் ஆட்டமிழந்து வெளியேறினர்.
அடுத்து வந்த அமித் சாத்விக் மற்றும் பாலசந்தர் அனிருத் இருவரும் இணைந்து அதிரடியாக விளையாடினர். இதில், சாத்விக் 23 ரன்கள் சேர்த்து ஆட்டமிழந்தார். எஸ் கணேஷ் 10 ரன்னிலும், கேப்டன் சாய் கிஷோர் 16 ரன்னிலும் ஆட்டமிழந்தனர். பாலசந்தர் அனிருத் அதிரடியாக விளையாடி 28 பந்துகளில் 5 பவுண்டரி, 3 சிக்ஸர் உள்பட 52 ரன்கள் எடுத்து ஆட்டமிழந்தார்.
கடைசியில் முகமது அலி 33 ரன்களும், மதிவாணன் 4 ரன்களும் எடுக்கவே திருப்பூர் தமிழன்ஸ் 18.2 ஓவர்களில் 6 விக்கெட்டுகளை இழந்து 157 ரன்கள் எடுத்து 4 விக்கெட்டுகள் வித்தியாசத்தில் வெற்றி பெற்றுள்ளது. இந்த போட்டி உள்பட ஐடிரீம் திருப்பூர் தமிழன்ஸ் விளையாடிய 3 போட்டிகளில் 2ல் தோல்வி அடைந்த நிலையில் இந்தப் போட்டியில் முதல் வெற்றியை பெற்றுள்ளது.
இந்த போட்டியில் தோல்வி அடைந்த மதுரை பாந்தர்ஸ் 2 தோல்விகளுடன் புள்ளிப்பட்டியலில் கடைசி இடம் பிடித்துள்ளது என்பது குறிப்பிடத்தக்கது. லைகா கோவை கிங்ஸ் மட்டுமே விளையாடிய 3 போட்டியிலும் வெற்றி பெற்று புள்ளிப்பட்டியலில் முதலிடம் பிடித்துள்ளது. நெல்லை ராயல் கிங்ஸ் விளையாடிய 3 போட்டியில் 2ல் வெற்றி பெற்று, ஒரு போட்டியில் தோல்வி அடைந்து புள்ளிப்பட்டியலில் 2ஆவது இடம் பிடித்துள்ளது என்பது குறிப்பிடத்தக்கது.
சேனலை கிளிக் செய்து பின்தொடரவும்
