IPL 2023: சிஎஸ்கே - சன்ரைசர்ஸ் ஹைதராபாத் போட்டி டாஸ் ரிப்போர்ட்..! தமிழ்நாடு வீரரை தூக்கி எறிந்த சன்ரைசர்ஸ்
ஐபிஎல் 16வது சீசனில் சன்ரைசர்ஸுக்கு எதிரான போட்டியில் டாஸ் வென்ற சிஎஸ்கே அணி ஃபீல்டிங்கை தேர்வு செய்தது.
Followஐபிஎல் 16வது சீசன் விறுவிறுப்பாக நடந்துவரும் நிலையில், இந்த சீசனில் ராஜஸ்தான் ராயல்ஸ், லக்னோ சூப்பர் ஜெயிண்ட்ஸ், குஜராத் டைட்டன்ஸ், சிஎஸ்கே, மும்பை இந்தியன்ஸ் அணிகள் நன்றாக ஆடி வெற்றிகளை பெற்றுவருகின்றன.
சன்ரைசர்ஸ் அணி வெற்றி தோல்விகளை மாறி மாறி சந்தித்த நிலையில், இதுவரை ஆடிய 5 போட்டிகளில் 2 வெற்றிகளுடன் புள்ளி பட்டியலில் கடைசிக்கு முந்தைய இடத்தில் உள்ளது. எனவே இன்று சென்னை சேப்பாக்கத்தில் நடக்கும் போட்டியில் சிஎஸ்கேவை வீழ்த்தி வெற்றி பெறும் முனைப்பில் களமிறங்கியுள்ளது சன்ரைசர்ஸ் அணி.
இந்த போட்டியில் டாஸ் வென்ற சிஎஸ்கே கேப்டன் தோனி ஃபீல்டிங்கை தேர்வு செய்தார். சிஎஸ்கே அணியின் ஆடும் லெவன் காம்பினேஷனில் எந்த மாற்றமும் செய்யப்படவில்லை. கடந்த போட்டியில் ஆடிய அதே ஆடும் லெவனுடன் தான் சிஎஸ்கே அணி களமிறங்கியுள்ளது.
ஆனால் சன்ரைசர்ஸ் அணியில் ஒரு மாற்றம் செய்யப்பட்டுள்ளது. தமிழ்நாடு ஃபாஸ்ட் பவுலர் டி.நடராஜனை நீக்கிவிட்டு அவருக்கு பதிலாக உம்ரான் மாலிக்கை எடுத்துள்ளது சன்ரைசர்ஸ் அணி.
சிஎஸ்கே அணி:
டெவான் கான்வே, ருதுராஜ் கெய்க்வாட், அஜிங்க்யா ரஹானே, ஷிவம் துபே, மொயின் அலி, ரவீந்திர ஜடேஜா, தோனி (கேப்டன், விக்கெட் கீப்பர்), துஷார் தேஷ்பாண்டே, மஹீஷ் தீக்ஷனா, மதீஷா பதிரனா, ஆகாஷ் சிங்.
சன்ரைசர்ஸ் ஹைதராபாத் அணி:
ஹாரி ப்ரூக், மயன்க் அகர்வால், ராகுல் திரிபாதி, ஐடன் மார்க்ரம் (கேப்டன்), அபிஷேக் ஷர்மா, ஹென்ரிச் கிளாசன் (விக்கெட் கீப்பர்), வாஷிங்டன் சுந்தர், அடில் ரஷீத், புவனேஷ்வர் குமார், மயன்க் மார்கண்டே, உம்ரான் மாலிக்.
சேனலை கிளிக் செய்து பின்தொடரவும்
