Asianet News TamilAsianet News Tamil

#T20WorldCup அதிக ரன்கள், அதிக விக்கெட்டுகள் இரண்டுமே இந்திய வீரர்கள் தான்..! யார் யார் என்று கூறிய பிரெட் லீ

டி20 உலக கோப்பையில் அதிக ரன்களை கேஎல் ராகுல் அடிப்பார் என்றும், அதிக விக்கெட்டுகளை முகமது ஷமி வீழ்த்துவார் என்றும் பிரெட் லீ தெரிவித்துள்ளார்.
 

brett lee names kl rahul will be the top run scorer and mohammed shami will be the highest wicket taker in t20 world cup
Author
Dubai - United Arab Emirates, First Published Oct 22, 2021, 7:41 PM IST
  • Facebook
  • Twitter
  • Whatsapp

டி20 உலக கோப்பை தொடர் கடந்த 17ம் தேதி தொடங்கிய நிலையில், இன்றுடன் தகுதி போட்டிகள் முடிகின்றன. நாளை முதல் சூப்பர் 12 சுற்று போட்டிகள் தொடங்குகின்றன. வரும் 24ம் தேதி(நாளை மறுநாள்) இந்திய அணி அதன் முதல் போட்டியில் பாகிஸ்தானை எதிர்கொள்கிறது.

இந்த உலக கோப்பையை இந்தியா, இங்கிலாந்து, வெஸ்ட் இண்டீஸ் ஆகிய அணிகளில் ஒன்று வெல்லும் என்று அதிகமானோர் மதிப்பிட்டுள்ளனர். விராட் கோலி தலைமையில் முதல் ஐசிசி டிராபியை தூக்கும் முனைப்பில் உள்ள இந்திய அணி, அதிரடியான பேட்டிங், உலகத்தரம் வாய்ந்த ஃபாஸ்ட் பவுலிங், மாயாஜால ஸ்பின்னர் உட்பட தரமான ஸ்பின் பவுலிங் என நல்ல வலுவான மற்றும் பேலன்ஸான அணியாக திகழ்கிறது.

இந்திய அணியின் தொடக்க வீரர் கேஎல் ராகுல் ஐபிஎல்லில் இருந்தே செம ஃபார்மில் அபாரமாக ஆடிவருகிறார். அண்மையில் நடந்து முடிந்த ஐபிஎல் 14வது சீசனில் 626 ரன்களை குவித்த கேஎல் ராகுல், இங்கிலாந்து மற்றும் ஆஸ்திரேலியா அணிகளுக்கு இடையேயான பயிற்சி போட்டிகளிலும் அபாரமாக ஆடினார். ஐபிஎல்லில் ஃபார்மில் இல்லாமல் தவித்துவந்த ரோஹித் சர்மா, சூர்யகுமார் யாதவ் ஆகியோர் ஆஸி.,க்கு எதிரான பயிற்சி போட்டியில் ஃபார்முக்கு வந்தனர்.

கோலி, ரிஷப் பண்ட், ஹர்திக் பாண்டியா என இந்திய அணியின் பேட்டிங் ஆர்டர் வலுவாக உள்ளது. பும்ரா, ஷமி என 2 மிரட்டலான ஃபாஸ்ட் பவுலர்களும், அஷ்வின், ஜடேஜா ஆகிய சீனியர் ஸ்பின்னர்களுடன் மாயாஜால ஸ்பின்னரான வருண் சக்கரவர்த்தியும் உள்ளார். எனவே அனைத்துவகையிலும் சிறந்த வீரர்களையும், நிறைய மேட்ச் வின்னர்களையும் கொண்ட அணியாக இந்திய அணி திகழ்கிறது.

இதையும் படிங்க - டி20 உலக கோப்பையில் இந்திய அணியின் மிகப்பெரிய பிரச்னை இதுமட்டும் தான்..! ஆகாஷ் சோப்ரா அதிரடி

இந்நிலையில், டி20 உலக கோப்பை தொடரில் அதிக ரன்களையும் இந்திய பேட்ஸ்மேன் தான் அடிப்பார் என்றும், அதிக விக்கெட்டுகளை இந்திய பவுலர் தான் வீழ்த்துவார் என்றும் பிரெட் லீ தெரிவித்துள்ளார்.

இதுகுறித்து பேசிய பிரெட் லீ, கேஎல் ராகுல் தான் டி20 உலக கோப்பையில் அதிக ரன்களை அடிப்பார். முகமது ஷமி அதிக விக்கெட்டுகளை வீழ்த்துவார். இந்திய அணி தான் கோப்பையை வெல்லும் என்று பிரெட் லீ தெரிவித்துள்ளார்.
 

Follow Us:
Download App:
  • android
  • ios