கோடநாடு கிரீன் டீ எஸ்டேட்டில் வருமானவரி சோதனையில் தொழிலாளர்கள் மூலம் ரூ.16 கோடி மதிப்புள்ள கருப்பு பணம் வெள்ளையாக மாற்றப்பட்டது அம்பலமாகியுள்ளது.

கொடநாடு அருகே உள்ள சசிகலாவின் கிரீன் டீ எஸ்டேட் நிறுவனம் தேயிலைத்தூளை ஏற்றுமதி செய்கிறது.

சசிகலா, தினகரன் மற்றும் அவரது உறவினர்கள், நண்பர்கள்களுக்கு சொந்தமான 187 இடங்களில் நேற்று வருமானவரித்துறை அதிகாரிகள் அதிரடி சோதனை மேற்கொண்டனர். இன்றும் 147 இடங்களில் சோதனை நடைபெற்று வருகிறது.

அதன்படி கோடநாடு கிரீன் டீ எஸ்டேட்டில் வருமானவரி சோதனையில் எஸ்டேட் மேலாளர் நடராஜனிடம் நேற்று வருமானவரித்துறை துருவித் துருவி விசாரணை நடத்தினர்.

விடிய விடிய நடைபெற்ற விசாரணையில் டீ எஸ்டேட் ஊழியர்கள் மூலம் கருப்பு பணத்தை வெள்ளையாக்கியது அம்பலமானது.

கிரீன் டீ எஸ்டேட்டின் 800 தொழிலாளர்கள் பெயரில் வங்கியில் தலா ரூ.2 லட்சம் முதலீடு செய்யப்பட்டுள்ளது.

பணமதிப்பிழப்பு நடவடிக்கையின் போது ரூ.16 கோடி மதிப்புள்ள கருப்பு பணம் வெள்ளையாக மாற்றப்பட்டது கண்டுபிடிக்கப்பட்டுள்ளது.

கொடநாடு அருகே ஈளடாவில் பேங்க் ஆப் இந்தியா வங்கியில் பணம் டெபாசிட் செய்யப்பட்டுள்ளது. ஏற்றுமதி பணப்பரிவர்த்தனை கோத்தகிரியில் உள்ள வங்கி மூலம் நடந்துள்ளது.

மேலும் தேயிலைத்தூள் ஏற்றுமதியில் சட்டவிரோத பணப்பரிமாற்றம் நடந்துள்ளதா என்று அதிகாரிகள் விசாரணை மேற்கொண்டு வருகின்றனர்.

இந்த சோதனையில் பல ஆவணங்கள், பணம் ஆகியவை கைப்பற்றப்பட்டுள்ளதாக தகவல்கள் வெளியாகியுள்ளன.

கருப்பு பணம் வெள்ளையாக்கியது எப்படி...? சிக்கியது ’கொடநாடு கிரீன் டீ எஸ்டேட்’

Rs 16 crore worth of black money has been converted into white as an income tax test in Kodanadu Green tea estate

About the Author